Buxoro shahrida joylashgan korxonalarning birida omborda yong‘in sodir bo‘ldi. Bu haqda viloyat FVB xabar berdi.
Maʼlum qilinishicha, 15-iyul kuni soat 13:00 da Buxoro shahar, “Shayxul olam” MFY Qarshi darvoza ko‘chasi 1-uyda joylashgan MCHJning tayyor mahsulot saqlash omborxonasining taxminan 1000 kv.m maydoni ichki qismida yarim tayyor to‘qimachilik mahsulotlari yongan.
O‘t o‘chiruvchilar hodisa joyiga 13:02 da yetib borgan, yong‘in 16:10 da batamom o‘chirilgan. Qutqaruvchilarning sa’y-harakatlari bilan 8000 m.kv. maydon saqlab qolindi. Yong‘inga 11 ta yong‘in o‘chirish ekipaji, 2 ta avtonarvon, 106 nafar shaxsiy tarkib va 10 ta suv tashish avtomobili, Buxoro viloyati Milliy gvardiyasi, Mudofaa vazirligiga qarashli harbiy qism xodimlari jalb qilingan.
Yong‘inning sababi va zarari aniqlanmoqda. Yong‘in oqibatida fuqarolarning tan jarohati va halok bo‘lish holatlari qayd etilmadi.
Izoh (0)