Gollivud yulduzlari o‘tgan yili birga yashash uchun xarid qilgan hashamatli uyini sotuvga qo‘ydi, deya xabar bermoqda “Pravila jizni” nashri.
Xususan, juftlikning Beverli Hillsdagi koshonasi sotilayotgani haqidagi e’lon Realtor.com portalida paydo bo‘ldi.
Ben va Jennifer 12 ta yotoqxona va 24 ta hammomdan iborat mazkur xonadonni 2023-yil bahorda 60 million dollarga xarid qilgan va uyni ta’mirdan chiqargan edi. Endilikda uyning narxi 68 million dollar deya baholanmoqda. Uning maydoni 3,5 ming metr kvadrat bo‘lib, bog‘i 21 ming metr kvadratni tashkil etadi.
Iyun oyining boshida Afflek va Lopes umumiy ko‘chmas mulkini internetda e’lon bermay sotishga urindi, biroq xaridor topilmagach, rieltorlik xizmatlariga murojaat qildi. Bir nechta xorijiy manbalar er-xotin juda qisqa vaqt birga yashagani va rasman ajrimga tayyorgarlik ko‘rayotgani haqida yozmoqda. Hozirda Jennifer Lopes Italiyada do‘stlari bilan birga dam olmoqda, Ben Afflek esa Los-Anjelesdagi xonadonlarning birini ijaraga olgan.
Jennifer Lopes va Ben Afflek 2001-yilda uchrasha boshlagan. Juftlik muxlislar va ommaviy axborot vositalarida shu qadar mashhur ediki, ularni tez orada Bennifer deb atay boshlashdi. Ular ilk bor 2002-yilda unashtirilgan, biroq to‘yni keyinga qoldirishga to‘g‘ri kelgan. 2004-yilda esa Lopes va Afflek ajrashishga qaror qilgan. Yulduzlar 2021-yilda yana topishdi, 2022-yil aprelida esa ularning unashtirilgani maʼlum bo‘ldi.
Sotuvga qo‘yilgan uyni er-xotin qariyb ikki yil davomida tanlagan va shu vaqt ichida ular 80 dan ortiq variantni ko‘rib chiqqan.
Izoh (0)