Britaniyada kino va teatr aktyori, hurmatli komediyachilardan biri Rouen Sebastyan Atkinson o‘zining Janob Bin obrazi bilan butun dunyoga mashhur bo‘lgan. Hozirda 69 yoshni qarshi olgan aktyor ushbu Roldan tashqari 50 dan ortiq obrazlarni kino va seriallarda gavdalantirgan hamda ikki karra “BAFTA”, Lorens Olviye mukofotlariga sazovor bo‘lgan. Quyida bolaligimizda yorqin xotiralar qolishiga sababchi bo‘lgan Rouen Atkinson haqida qiziqarli va avval e’lon qilinmagan faktlarni to‘pladik.
Rouen Atkinson “Qirol sher” multfilmida Zazu qushiga ovoz bergan
Aktyorning ovozini multfilmning ingliz tilidagi talqinida tinglash mumkin
Janob Bin avvalboshida Janob Gulkaram deb atalishi lozim bo‘lgan
Aktyor o‘z qahramonini Mister Bean (bean — fasol) o‘rniga Mister White yokiMister Cauliflower deb atamoqchi bo‘lgan.
Britaniya qirolichasi aktyorni san’atdagi xizmatlari uchun ritsarlik ordeni bilan mukofotlagan
Atkinson duduqlanishdan aziyat chekkan
“Janob Bin” serialida bosh qahramon – o‘zini boladek tutadigan odamni deyarli so‘zlashuvlarsiz ijro etganining sababi ham aktyor nutqidagi nuqson bo‘lgan.
Rouen avtomobillar ishqibozi
Atkinsonning do‘sti, aktyor Stiven Frayning so‘zlariga ko‘ra, Rouen sport avtomobillarining ashaddiy muxlisidir va uning o‘zi ham bir nechta eksklyuziv va qimmatbaho mashinalarga ega. Shuningdek, aktyor muntazam ravishda avtomobil jurnallari uchun maqolalar yozib turadi.
Janob Bin haqidagi film va seriallar 200 dan ortiq mamlakatlarda namoyish etilgan
Aktyorning qizi “Janob Bin ta’tilda” filmida otasi bilan birga suratga tushgan
Rouenning farzandi Lili hozirda musiqa sanoatida o‘z ustida ishlab kelmoqda va keyinchalik filmlarda suratga tushish niyati yo‘q.
Aktyor Jeyms Bond haqidagi filmlarning ashaddiy muxlisi
Shuning uchun 1983-yilda Atkinson Shon Konneri ishtirokidagi “Hech qachon hech qachon dema” filmida kichik rolni ijro etganidan o‘ta baxtiyor bo‘lgan.
Rouen bo‘lajak rafiqasi bilan birinchi uchrashuvda bir og‘iz so‘z demagan
Aktyor so‘zlariga ko‘ra, restoranda bo‘lib o‘tgan kechki ovqat vaqtida u faqat birgina ibora bilan rafiqasiga murojaat qilgan: “Ketchupni uzatib yuboring”.
Aktyor shahzoda Charlz va Kamilla Parker-Boulzning nikoh to‘yida bo‘lgan
Rouen Atkinson qirollikda bo‘lib o‘tgan muhim marosimning hurmatli mehmoni bo‘lgan
Janob Bin ijrochisi ikkita oliy ma’lumot diplomiga ega
Atkinson Nyukastl universitetining muhandislik yo‘nalishini bitirgan hamda Oksford universitetida tahsil olgan.
Rouen samolyotda halok bo‘lishiga bir bahya qolgan
Atkinson turmush o‘rtog‘i hamda ikki nafar farzandi bilan kichik Kessna samolyotida Nayrobiga yo‘l olgan vaqtda uchuvchi hushidan ketgan. U vaqtda kichik reyslarga qo‘shimcha uchuvchi biriktirilmagan. Atkinson zudlik bilan boshqaruvni qo‘liga olgan va samolyotni gorizontal holatda ushlab turishga harakat qilgan. Bu vaqt davomida uning rafiqasi va bolalari uchuvchini o‘ziga keltirishga uringan va so‘nggi daqiqalarda uchuvchi hushiga kelgan.
Izoh (0)