Alek Bolduinga qo‘yilgan ehtiyotsizlikdan sodir etilgan qotillik ayblovi olib tashlandi. Aktyor sud zalida yig‘lab yubordi (video)

Ba’zida film suratga olish maydoni juda xavfli joyga aylanadi. Buni “Zang” filmi ustida ishlayotganda sodir bo‘lgan fojia tasdiqlaydi.

Amerikaning Nyu-Meksiko shtati prokuraturasi aktyor Alek Bolduinga 2021-yil 21-oktyabrda “Zang” filmini suratga olish chog‘ida operator Galina Xatchinsni o‘ldirgani bo‘yicha rasman ayblov qo‘ygan edi. Bolduin suratga olish paytida tasodifan Xatchinsni “Kolt” revolveridan otib qo‘ydi, unda noma’lum sabablarga ko‘ra o‘qsiz patronlar o‘rniga haqiqiylari bo‘lgan.

Ilgari filmning pirotexnik vositalariga javobgar bo‘lgan Xanna Gutterez-Rid o‘qsiz patronlar o‘rniga haqiqiylari bo‘lgan qurollarni aralashtirib yuborgani aniqlangan edi. Shu yil boshida u odam o‘ldirishda aybdor deb topilib, 18 oylik qamoq jazosiga hukm qilingan edi. Prokurorning so‘zlariga ko‘ra, uning harakatlari va qurol yetkazib beruvchi Set Kennining mas’uliyatsizligi Xatchinsning o‘limiga sabab bo‘lgan.

Aktyor Alek Bolduin mazkur ishda aybsiz deb topilgach, sud zalida yig‘lab yubordi. Aktyor 18 oygacha qamoq jazosiga hukm qilinishi mumkin edi. Sudya Meri Marlou Sommer o‘z qarorini e’lon qilgach, Bolduin advokati va xotinini quchoqlab oldi.

Tergovchilar Bolduin suratga olish maydonchasidagi xavfsizlik choralariga yaxshi e’tibor bermaganligida da’vo qilgan edi.

So‘ng aktyorni himoya qiluvchi tomonlar prokurorlarni dalillar — patronlarni yashirganlikda aybladi. Sudya mazkur ishda haqiqatan ham qonunbuzarliklar bor, degan xulosaga keldi. Natijada prokurorlardan biri iste’foga chiqdi, sudya ishni yopishga qaror qildi.