Qashqadaryo viloyatida meva-sabzavotlarni saqlash ombori elektr energiyasidan noqonuniy foydalangani aniqlandi, deb xabar bermoqda “O‘zenergoinspeksiya”.
Unga ko‘ra, “O‘zenergoinspeksiya” Qashqadaryo viloyati hududiy boshqarmasi xodimlari tomonidan o‘tkazilgan nazorat tadbirida Qarshi shahrida faoliyat yuritib kelayotgan “SH.N.F.I.” MCHJga qarashli meva-sabzavotlarni saqlash-sovitish omborining elektr uskunalari tarmoqqa noto‘g‘ri ulangani ma’lum bo‘ldi.
Dastlabki hisob-kitoblarga ko‘ra, ushbu MCHJ jami 129,8 million so‘mlik (144,2 ming kVt/soat) elektr energiyasidan noqonuniy foydalangani aniqlandi.
“Hurmatli isteʼmolchilari! Energiya resurslaridan qonuniy tartibda va oqilona foydalaning.
Elektr va gaz tarmoqlariga tijorat maqsadlarida o‘zboshimchalik bilan ulanish yo‘li bilan talon-toroj qilish holatlari uchun qonunchilikda belgilangan qatʼiy choralar ko‘rilishini unutmang”, deyiladi xabarda.
Izoh (0)