Ijtimoiy tarmoqlarda Samarqand viloyati Jomboy tumanida kelin 2 farzandini suvga tashlab yubormoqchi bo‘lgani va u to‘xtatib qolingani aks etgan video tarqaldi.
Viloyat IIBning xabar berishicha, bu yolg‘on xabar. Yolg‘on axborotni tarqatgan ikki nafar shaxsga nisbatan Jinoyat ishlari bo‘yicha Jomboy tumani sudi tomonidan Ma’muriy javobgarlik to‘g‘risidagi kodeksning 202-prim 2-moddasi (yolg‘on axborot tarqatish) bilan jarima jazosi tayinlandi.
Aprel oyida Samarqand viloyati Urgut tumanida kelin o‘zi va bolalarini suvga tashlagan edi. 16-aprel kuni soat 08:00 larda Darg‘om kanalining Toyloq tumani, “G‘o‘lba” MFY hududidan oqib o‘tuvchi qismidan voyaga yetmagan qiz va o‘g‘il bolaning murdasi topilgan. Ayolning ham jasadi topilgan.
Mazkur holat yuzasidan Toyloq tuman prokuraturasi tomonidan 16-aprelda Jinoyat kodeksining 97-moddasi 2-qismi “a” bandi bilan jinoyat ishi qo‘zg‘atilgan edi.
Izoh (0)