Kilian Mbappening taqdimot marosimiga taklif etilgan mashhur shaxs kimligi ma’lum bo‘ldi

“Real” Kilian Mbappening taqdimot marosimiga tayyorgarliklarni davom ettirmoqda.

Relevo nashrining xabariga ko‘ra, fransiyalik futbolchining taqtimodi Krishtianu Ronalduning 2009-yilgi taqdimotidan zamonaviy davrga moslashtirilgan ayrim detallari asosida o‘tkaziladi.

Marosimga turli mashhur shaxslar taklif etilgan, jumladan, “Real”ning sobiq futbolchisi va murabbiyi Zinedin Zidan ham. Avvalroq, Mbappening taqdimot marosimida mashhur sirli inson taklif etilgani aytilgandi. 

Shuningdek, madridliklarning yana bir qancha sobiq futbolchilari taklif etilgan, biroq ko‘pchilik Madridga tashrif buyura olmaydi. Klubning faxriy prezidenti Pirri ham ishtirok etadi. “Real” prezidenti Florentino Peres taqdimotda bolalar ko‘proq bo‘lishini ta’kidlagan.

Kilianning o‘zi Inspired by KM xayriya jamg‘armasi orqali bir guruh bolalar uchun chiptalar pulini to‘lab bergan. 

Kilian Mbappening “Real” futbolchisi sifatidagi taqdimoti 16-iyul kuni bo‘lib o‘tadi. Klub bu marosim tarixda qolishini istamoqda.