Dunyoga mashhur Louis Vuitton modalar uyi 2024-yil kuz-qish mavsumi uchun o‘zining yangi kolleksiyasini taqdim etdi. To‘plamda narxi 99 ming dollar bo‘lgan sandiq ham o‘rin egallagan. Bu haqda “Korrespondent.net” xabar berdi.
Courrier Lozine 110 LV Brass nomli sandiq o‘lchamlari 44,1 x 20,5 x 22,2 santimetrni tashkil etadi va o‘ziga xos qulfga ega. Chamadonning ichki va tashqi qismida Louis Vuitton brendining belgisi tushirilgan. Sandiq ichida ikkita tomondan ochiladigan saqlash qutisi va tashish uchun qulaylik beradigan ikkita tutqichi mavjud.
Louis Vuitton tomonidan sandiqlar ishlab chiqarish tarixi 1850-yillarga borib taqaladi. Avvaliga ular uy uchun qulayligi predmetligi bilan mashhur edi, keyinchalik sandiq turli kolleksionerlarning e’tiborini jalb qildi.
Qimmatbaho sandiqning sotuvga chiqish sanasi hozircha noma’lum bo‘lsa-da, moda uyi vakillari ushbu mahsulot yaqinlashib kelayotgan 2024-yil kuz-qish kolleksiyasining bir qismi ekanligini va narxi 99 ming AQSh dollarini tashkil etishini aytmoqda.
- Avvalroq Fransiyaning Balenciaga modalar uyi yelim tasma — skotch ko‘rinishidagi bilaguzukni taqdim etgani haqida xabar qilingan edi.
Izoh (0)