Futbol bo‘yicha Yevropa Chempionatining yarim finalida Angliya va Niderlandiya terma jamoalari 10-iyul, chorshanba kuni o‘zaro bahs olib bordi.
Uchrashuvning 7-daqiqasida Xavi Simons ajoyib zarba bilan hisobni ochdi. 18-daqiqada esa inglizlar penalti ishlab olib, Harri Keyn undan unumli foydalandi. Birinchi bo‘lim 1:1 hisobi bilan yakunlandi.
Ikkinchi bo‘limda ham tomoshabinlar bir qancha xavfli hujumlarni guvohi bo‘ldi. 79-daqiqada Saka gol urdi, biroq hakam o‘yindan tashqari holat tufayli golni bekor qildi. 90+1-daqiqada Uotkins inglizlarni hisobda oldinga olib chiqdi.
Uchrashuv 2:1 hisobida Angliyaning g‘alabasi bilan yakunlandi.
Shu tariqa Sautgeyt shogirdlari finalda Ispaniyaga qarshi bahs olib boradigan bo‘ldi. Yevro—2024 ning hal qiluvchi o‘yini 15-iyul sanasida bo‘lib o‘tadi.
Yevro—2024
Yarim final
10-iyul, chorshanba
Niderlandiya – Angliya 1:2
Gollar: 1:0 – 7 Simons, 1:1 – 18 Keyn (penalti), 1:2 — 90+1 Uotkins.
Niderlandi: Verbryuggen, Dumfris, de Vrey, van Deyk, Ake, Sxauten, Reynders, Simons, Malen (Vegorst, 46), Gakpo, Depay (Verman, 35).
Angliya: Pikford, Uoker, Stounz, Gehi, Konsa, Trippyer (Shou, 46), Rays, Foden (Palmer, 80), Bellingem, Maynu, Saka, Keyn (Uotkins, 81).
Ogohlantirishlar: Dumfris (17), Bellingem (72), Saka (86), van Deyk (87), Simons (90+1).
Izoh (0)