Toshkentning Yangihayot tumanida yong‘in sodir bo‘layotgani aks etgan videolar ijtimoiy tarmoqlarda tarqalgandi. Poytaxt FVB holat yuzasidan ma’lumot berdi.
11-iyul kuni soat 11:52 da Yangihayot tumani, “Olchazor” MFY 10-hududda ochiq maydonda quruq o‘t yonayotgani to‘g‘risida poytaxt FVBga xabar tushgan. Shunga ko‘ra, yong‘in-qutqaruv ekipajlari soat 11:59 da voqea joyiga yetib borib, yong‘in soat 14:15 da o‘chirilgan.
Sodir bo‘lgan yong‘in natijasida ochiq maydonda quruq o‘t yongan.
Hodisa oqibatida tan jarohati olgan va halok bo‘lganlar yo‘q. Yong‘in sababi va moddiy zarar miqdori aniqlanmoqda.
Izoh (0)