Jud Bellingem Yevropa Chempionatidan so‘ng jarrohlik amaliyotini boshidan o‘tkazishi mumkin.
Relevo nashrining xabar berishicha, “Real” va Angliya terma jamoasi yarim himoyachisini hamon noyabr oyida olgan jarohati bezovta qiladi. 2023-yilda Jud La Liga doirasida “Rayo Valyekano”ga qarshi bahsda jarohat olgandi.
Dastlab klub jarrohlik amaliyotini rejalashtirgan edi, keyinchalik boshqacha usul qo‘llashga qaror qildi. Bellingem o‘yinlarga og‘riq qoldiruvchi vositalardan foydalangan holda tushadigan bo‘ldi.
Yevro—2024 musobaqasidan so‘ng Jud tibbiy ko‘rikdan o‘tadi va “Real” ehtimoliy operatsiya bo‘yicha qaror qabul qiladi. Agarda futbolchi jarrohlik amaliyotini boshidan o‘tkazsa, kamida 2 oy maydonga tusha olmaydi.
Eslatib o‘tamiz, Jud Bellingem Angliya terma jamoasi bilan birgalikda Yevro—2024 finalida ishtirok etadi. “Uch sherlar”ga hal qiluvchi bahsda Ispaniya raqiblik qiladi.
Izoh (0)