O‘zbek to‘ylari o‘zining turfa anʼanalari bilan ajralib turadi. Shu ajralmas anʼanalardan biri to‘ylarning sanʼatkorlarsiz o‘tmasligidir. El ardog‘idagi sanʼatkorlar esa bir kunda nechta to‘y xizmatlarida bo‘lishi muxlislarga qiziq, albatta. “Milliy” telekanalining “Shou-biznews” loyihasida taniqli san’atkorlarning bir kunda nechta to‘yga borishi haqida so‘z yuritildi.
O‘zbekistonda xizmat ko‘rsatgan artist Tohir Sodiqov bir kunda 3 tagacha to‘yda ishtirok etishini taʼkidladi. Afsonaviy “Bolalar” guruhi yakkaxonining Toshkent to‘ylaridagi birrovi narxi 2000 dollar etib belgilangan.
— Hozirgi tirbandliklar sababli bir kunda faqat 3 ta to‘yga o‘z vaqtida yetib borishga ulguramiz”, — deydi sanʼatkor.
Xonanda Ozoda Nursaidova bir kunda 3 tadan 6 tagacha to‘yda xizmat qilishini aytib o‘tgan. Uning poytaxt to‘ylariga tashrif buyurishi narxi — 1200 dollar.
O‘zbekiston xalq artisiti Yulduz Usmonovaning qizi Nilufar Usmonova kun davomida bir nechta to‘yda ishtirok etishini aytib, “Barakasini bersin”, deya raqamlarga aniqlik kiritmagan. Nilufarning to‘ylardagi birrovi narxi 600 dollarni tashkil etadi.
“Bravo” kulgi jamoasining aʼzosi Shahlo bir kunda 3 ta kelinsalomda qatnashadi. Kelinsalom narxi to‘yxonada xonadondan farq qilishini, agar kelinsalom uyda o‘tkazilsa, bir yarim barobar haq olishini aytdi. Ma’lumotlarga ko‘ra, Shahlo Zoirovani kelinsalomga chaqirish narxi — 1200 dollar.
“Chunki to‘yxonada 20 daqiqa xizmat qilsam, kelinsalom xonadonda 2 soat davom etadi”, deydi Shahlo.
O‘zbekistonda xizmat ko‘rsatgan artist Ziyoda to‘rtinchi to‘yda qatnashayotganini, bir kunda 12-15 ta to‘y o‘tkazishini aytib o‘tdi. “Charchamaysizmi?” degan savolga, “Charchamaymiz, chunki ishimizni yaxshi ko‘ramiz”, deb javob berdi Ziyoda. Xonandaning Toshkent to‘ylaridagi birrov xizmati narxi — 550 dollar.
Izoh (0)