Toshkent shahar Yashnobod tumani va Xorazmning Qo‘shko‘pir tumanlarida noqonuniy valyuta ayirboshlash bilan shug‘ullanib kelgan shaxslar ushlandi, deb xabar bermoqda Bosh prokuratura huzuridagi departament.
Unga ko‘ra, holatlardan biri departamentning Yashnobod tuman bo‘limi tomonidan o‘tkazilgan tezkor tadbirda aniqlandi. Visol ko‘chasidagi xonadonida valyuta ayirboshlash bilan shug‘ullanib kelgan M.X. fuqaro J.X.ga jami 5 150 AQSH dollarini 65 million so‘mga sotgan vaqtida ushlanib, yonidan 90,5 million so‘m ashyoviy dalil sifatida olingan.
Shu kabi, departamentning Qo‘shko‘pir tuman bo‘limi va viloyat IIB xodimlari hamkorligida o‘tkazilgan tezkor tadbirda valyuta ayirboshlash bilan shug‘ullanib kelgan T.R. fuqaro E.Q.ga jami 3 500 AQSH dollarini 43,7 million so‘mga sotgan vaqtida ashyoviy dalillar bilan qo‘lga olingan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)