Soliha va Muhammad ismlari Qirg‘izistonda birinchi yarim yillikda tug‘ilgan chaqaloqlarga qo‘yilgan eng mashhur ismlarga aylandi. Bu haqda AKI Press nashri xabar berdi.
Qirg‘iziston Raqamli rivojlanish vazirligi ushbu maʼlumotni tasdiqlagan. Statistika faqat 2024-yilning dastlabki 6 oyida tug‘ilgan chaqaloqlarga taalluqli ekani xabar qilingan.
Statistikaga ko‘ra, o‘g‘il bolalar orasida eng mashhur 10 ta ismlar qatoriga Muhammad, Umar, Ali, Ramazon, Amir, Bilol, Usmon, Alixon, Nurislom va Muhammed ismlari kirgan. Birinchi yarim yillikda tug‘ilgan 3667 nafar bolaga Muhammad ismi qo‘yilgan.
Qizlar orasida eng mashhur 10 ismlar ro‘yxatiga esa Soliha, Fotima, Aylin, Safiya, Amina, Aliya, Rayana, Oysha, Hadicha va Aruzat ismlari kirgan. Eng ko‘p qo‘yilgan ism Soliha bo‘lib, birinchi yarim yillikda tug‘ilgan 2043 nafar qizga ushbu ism berilgan.
Qirg‘izistonda 2024-yilning 6 oyi davomida jami 60 ming nafarga yaqin bola tug‘ilgan. Ularning 33370 nafari qiz hamda 35359 nafari o‘g‘il bola bo‘lgan.
Izoh (0)