Toshkent viloyatining O‘rta Chirchiq tumanida gaz taʼminoti bo‘limi bosh muhandisi pora bilan qo‘lga tushdi. Bu haqda Bosh prokuratura matbuot xizmati xabar berdi.
Ma’lum qilinishicha, “O‘rtachirchiq tumangaz” gaz taʼminoti bo‘limi bosh muhandisi S.S. tumandagi non va qandolat mahsulotlari ishlab chiqarish sexini gaz tarmog‘iga ulashga ruxsat berish hamda elektron hisoblagich o‘rnatish evaziga 8 500 dollar miqdoridagi pullarni pora tariqasida olgan vaqtda ushlangan.
Mazkur holat yuzasidan jinoyat ishi qo‘zg‘atilib, tuman gaz taʼminoti korxonasi bosh muhandisi protsessual tartibda ushlangan.
Hozirda jinoyat ishi bo‘yicha dastlabki tergov harakatlari olib borilmoqda.
Izoh (0)