Amerikalik taniqli model va tadbirkor Kayli Jenner milliard dollarlab boylikka ega. Ammo o‘zining ulkan kapitali va jamg‘armalariga qaramay, Kayli qimmatbaho mehmonxona va restoranlarda xizmat haqini to‘lashdan bosh tortadi. U “yulduzlik kasalligi”ga chalinganmi? Yo‘q, albatta. Endilikda Kayli biznes uchun emas, biznes Kayli uchun ishlaydi, chunki u tirik reklamaning o‘zginasi!
Bir necha kun avval Jenner Fransiyada ajoyib ta’tilni o‘tkazdi va shaharning eng nufuzli mehmonxona va restoranlarida hordiq chiqardi. Ammo Yevropaga sayohati davomida yulduz deyarli pul sarflamadi, balki mo‘may daromad ham ishlab oldi. Chunki unga turli kompaniyalar o‘z mahsulotini reklama qilishi uchun katta miqdorda pul to‘lagan.
“Kayli Jenner ijtimoiy tadbirlarga borishi, hashamatli restoranlarda tushlik qilishi va ma’lum bir zargarlik buyumlarini omma oldiga taqib chiqishi uchun yuqori maosh oladi. Unga hatto reklama qilinuvchi tirnoq bo‘yog‘ini surtgani uchun pul to‘langan. Garchi bu sayohat unga juda qimmatga tushgandek tuyulsa-da, aslida u tadbirkor sifatida hamma narsadan foyda olishga ulgurdi”, deyiladi xorijiy manbalarda.
Barchasiga Kaylining onasi sababchi, u qizlariga o‘zining har bir qadami va harakatida daromad topishni o‘rgatgan. Kardashyan opa-singillarning onasi, sobiq styuardessa, hozirda esa qizlarining prodyuseri bo‘lgan Kris Jenner o‘z oilasini millionlab dollar olib keladigan brendga aylantirgan.
Kris Jenner farzandi Kayli va boshqa qizlariga ularning hayoti biznes ekanligini va daromadlarini maksimal darajada oshirishlari lozimligini uqtirgan.
Izoh (0)