“O‘zgidromet” hafta davomida kuzatiladigan ob-havo haqida ma’lumot berdi.
Unga ko‘ra, 8-iyul, dushanba kuni O‘zbekiston bo‘yicha yoz faslining o‘rtasi uchun 32-35 daraja, janubda va cho‘l hududlarda 38-40 darajagacha bo‘lgan qulay harorat kuzatiladi. Respublika hududining katta qismida yog‘ingarchilik kutilmaydi, faqat Toshkent, Jizzax, Sirdaryo viloyatlari va Farg‘ona vodiysi viloyatlarida ayrim joylarda qisqa muddatli yomg‘ir yog‘ishi, momaqaldiroq bo‘lishi mumkin.
9-iyul, seshanba kunidan havo harorati ko‘tarila boshlaydi va ish haftasining oxirigacha 35-39 daraja atrofida, janubda 42 darajagacha issiq bo‘ladi. Ushbu davrda yomg‘ir yog‘ishi kutilmaydi.
Shamol 7-12 metr/sekund tezlikda esadi, baʼzi joylarda 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Respublikaning tog‘li hududlarida 8—12-iyul kunlari baʼzi joylarda qisqa muddatli yomg‘ir yog‘ishi, momaqaldiroq bo‘lishi mumkin. 8—9-iyulda Toshkent, Andijon, Namangan va Farg‘ona vilotlarida sel-suv toshqin hodisalari yuzaga kelishi mumkin.
Toshkentda 8-iyul, kuni qisqa muddatli yomg‘ir yog‘ishi, momaqaldiroq bo‘lishi mumkin. Harorat 33-35 daraja bo‘ladi. 9—12-iyul kunlari yog‘ingarchilik kutilmaydi. Harorat 35-38 daraja bo‘ladi.
Izoh (0)