Yakshanba kuni ijtimoiy tarmoqlarda Toni Kroosning Germaniyadagi xavfsizlik va muhojirlar bilan bog‘liq vaziyat haqidagi iqtiboslari tarqaldi. U bu fikrlarni Lanz und Precht podkastida aytib o‘tgan.
Lanz und Precht podkastini jurnalist Markus Lanz va yozuvchi Richard Devid Prext olib boradi. Ular zamonimizning ijtimoiy va siyosiy dolzarb mavzularini muhokama qiladi. Muzokaralarga sport, siyosat yoki madaniyatga oid masalalarni muhokama qilish uchun turli sohalardagi taniqli shaxslar taklif etiladi.
Men hali ham Germaniyani ajoyib mamlakat deb hisoblayman. Bu yerga kelish juda yoqadi, lekin bu Germaniya, aytaylik, 10 yil oldingidek emas, — dedi Toni.
Boshlovchi aynan nima o‘zgarganini so‘raganida, futbolchi xavfsizlik hissi yo‘qolganini bildirdi.
Keling vaziyatni Ispaniya bilan solishtiraman. Masalan, mening yetti yoshli qizim bor. U keyinchalik 13, 14, 15 yoshga to‘ladi. Agar qizimni soat 23:00 dan keyin qaysi davlatda ko‘chaga chiqishiga ruxsat berishimni so‘rashsa, men Ispaniyani tanlagan bo‘lardim. To‘g‘ri, Ispaniyada hech narsa bo‘lmayapti, demayman. Shunchaki umumlashtirmoqchimasman, — dedi Kroos. Va u 10 yil oldin qizining Germaniyada sog‘-salomat qaytishiga shubha qilmasligini qo‘shimcha qildi.
Kroosning aytishicha, nemis davlatida nazorat yo‘qolgan.
So‘nggi yillarda ba’zi sohalarda nazorat yo‘qoldi. Ko‘p muammolar orasida, menimcha, migratsiya sohasi ayni muhokama qilinishi kerak bo‘lgan soha. O‘ylaymanki, biz allaqachon mamlakatning ochiq ko‘ngil bilan boshqa mamlakat vakillarini qabul qilishini isbotlaganmiz. Bu men uchun haqiqatdan ham ajoyib.
Shu bilan birga, menimcha, so‘nggi yillarda bu juda nazoratsiz sodir bo‘ldi. Chet eldan odamlar bizga kelib, baxt topishlari juda yaxshi. Men bu tashabbusni 1000% qo‘llab quvvatlayman. Ammo menimcha, biz vaziyatni noto‘g‘ri baholadik va vaziyat boshqarib bo‘lmaydigan holatga keldi.
Toni Kross “Real Madrid” klubida o‘ynadi va faoliyatini yakunlaganini e’lon qildi. Bu davrda u barcha musobaqalarda 463 ta uchrashuvda qatnashgan (28 gol va 98 golli uzatma).
Germaniya terma jamoasi Ispaniya termasiga mag‘lubiyatga uchrab, Yevropa chempionatidagi yurishini to‘xtatdi.
Izoh (0)