Aynan shu soha hayot uchun xavfli kasalliklar bilan kurashayotgan bemorlarga umid baxsh etadi. Ilmiy tadqiqotlar ushbu davolash usulining imkoniyatlarini ochib berishda davom etar ekan, Acıbadem shifoxonalari tarmog‘i birinchilardan bo‘lib suyak iligini transplantatsiya qilish taomillarini yuqori darajada amalga oshirishni boshladi.
Suyak iligi transplantatsiyasini tushunish
Suyak iligi - bu suyaklar ichidagi g‘ovakli to‘qimadir. Shuningdek, u turli qon hujayralariga aylana oladigan ajoyib qobiliyatga ega bo‘lgan ildiz hujayralarining boy manbaidir. Suyak iligi transplantatsiyasi, shuningdek, ildiz hujayralari transplantatsiyasi deb ham ataladi, va o‘z suyagining iligi qobiliyatsiz bo‘lgan bemorlar uchun tayinlanadi.
Suyak iligi transplantatsiyasining ikkita asosiy turlari mavjud:
Autologik transplantatsiya - bemorning o‘z ildiz hujayralari saraton hujayralarini yo‘q qilish uchun yuqori dozali kimyoterapiyani o‘tkazishdan oldin yig‘iladi. So‘ng bemorning immunitet tizimini tiklash va qon hujayralari hosil qilinishiga yordam berish uchun yig‘ilgan ildiz hujayralari bemorning organizmiga qayta kiritiladi.
Allogen transplantatsiya — mos keladigan donordan (odatda aka-uka, opa-singil yoki to‘g‘ri keladigan ko‘ngilli) olingan ildiz hujayralari ishlatiladigan holat. Donorning sog‘lom ildiz hujayralari retsipiyentga (bemorga) kasallik bilan kurashish va immunitet tizimini tiklashga yordam beradi.
Suyak iligi transplantatsiyasini qo‘llash
Ushbu muolaja turli kasalliklarni davolashda usul sifatida hayotiy ahamiyatga ega, shu jumladan:
Leykemiya
Limfoma
Aplastik anemiya
Miyelodisplastik sindromlar
Ba’zi irsiy qon kasalliklarida
Acıbadem shifoxonalari tarmog‘ining ekspertizasi
Suyak iligini transplantatsiya qilish Markazida yuqori malakali gematologlar, tibbiy onkologlar va boshqa mutaxassislardan iborat jamoa faoliyat yuritadi. Ushbu ekspertlar, shu jumladan professor Sami Karti va dotsent Ant Uzay, bemorlarga shaxsiy davolash rejasini taqdim etish va eng yaxshi natijalarni ta’minlash uchun, birgalikda ishlaydilar.
Muvaffaqiyatga ta’sir qiluvchi omillar
Suyak iligini transplantatsiya qilish natijadorligi bir necha omillarga bog‘liq:
Bemorning yoshi va salomatligining umumiy ahvoli: autologik transplantatsiya ba’zi hollarda 70 yoshgacha yoki hatto 75 yoshgacha bo‘lgan bemorlarda amalga oshirilishi mumkin bo‘lsa-da, muolaja muvaffaqiyatli bo‘lishi ehtimoli odatda yosh bemorlarda yuqori bo‘ladi. Bunda bemorning umumiy salomatligi ahvoli va boshqa kasalliklarga chalinganligi ham rol o‘ynaydi.
Kasallik bosqichi: suyak iligining transplantatsiyasi kasallik nazorat ostida bo‘lganida eng katta samara beradi.
Donorlarning mos kelishi (allogen transplantatsiyalarda): transplantatsiya muvaffaqiyatli o‘tishi uchun donor va retsipiyentning (bemorning) ildiz hujayralari bir-biriga juda o‘xshash bo‘lishi hal qiluvchi ahamiyatga ega.
Tibbiy jamoaning professionalligi: transplantologlar guruhining bilimlari va tajribasi natijaga sezilarli ta’sir ko‘rsatadi.
Acıbadem shifoxonalar tarmog‘i mukammallikka intiladi
Acıbadem har bir bemor suyak iligi transplantatsiyasi sohasidagi erishilgan so‘nggi yutuqlaridan foydalanish imkoniyatiga ega bo‘lishi uchun barcha sa’y-harakatlarini ishga soladi. Shifoxona jamoasi optimal natijalarga erishish uchun eng zamonaviy texnologiyalar va bemorlarning xavfsizligi bo‘yicha qat’iy protokollardan foydalanadi.
Tez-tez beriladigan savollar:
Muolaja og‘riqlimi?
Suyak iligi yoki ildiz hujayralarini yig‘ish biroz og‘riq keltirishi mumkin bo‘lsa-da, biz noqulaylik bilan kurashish uchun anesteziyadan foydalanamiz. Bizning tibbiy guruhimiz butun muolaja davomida sizga maksimal qulaylikni qanday ta’minlash haqida barchasini biladi.
Suyak iligi va ildiz hujayralari transplantatsiyasi o‘rtasida farq bormi?
Ikkala muolajaning maqsadi - qon hosil qiluvchi ildiz hujayralarini yig‘ish va bemorga o‘tkazishdir. Transplantatning nomi ildiz hujayralarining manbasiga qarab farq qilishi mumkin. Ildiz hujayralarini suyak iligidan yoki qondan (periferik yoki kindik ichakchasidagi) olish mumkin.
Suyak iligi/ildiz hujayralari retsepiyentning (bemorning) organizmi tomonidan qabul qilinmasligi xavfi bormi?
Kasallik, davolash tarzi va bemorning ahvoliga qarab, bunday xavf doimo mavjud.
“Transplantat egasiga qarshi” reaksiyasi – bu nima?
Bunday holat allogen transplantatsiyada, donor hujayralari bemorning hujayralarini begona deb qabul qilib, ularga hujum qila boshlaganida yuzaga keladi. Bu yaqqol immunologik reaksiya natijasida organ disfunksiyasi bilan kechadigan murakkab klinik sindromdir.
Acıbadem shifoxonalari tarmog‘ida suyak iligi transplantatsiyasini amalga oshirishning afzalliklari nimada?
Turkiyadagi suyak iligi transplantatsiyasi Markazlarimiz eng yangi texnologiyalar bilan jihozlangan, eng yuqori standartlarga muvofiq faoliyat yuritadi va suyak iligi transplantatsiyasi sohasida tajribali shifokorlar jamoasiga ega. Bundan tashqari, to‘plangan hujayralarni saralash va ishlov berish GMP akkreditatsiya sertifikati bilan Turkiyaning Acıbadem Labcell kompaniyasining laboratoriyalarida amalga oshiriladi.
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Buxorodagi vakolatxonamizning manzili: Akademik I. Muminov ko‘chasi, 7.
Telefon: +998 55 311 54 44
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook vа Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)