O‘zbekiston Olimpiya terma jamoasi a’zosi “Paxtakor”ga o‘tdi

Toshkentning “Paxtakor” klubi Superliganing yozgi transfer oynasidagi dastlabki transferini e’lon qildi.

O‘zbekiston olimpiya jamoasi va “Olimpik” klubi yarim himoyachisi Abdurauf Bo‘riyev “Paxtakor” futbolchisi ikkinchi davradan amaldagi chempion safida to‘p suradi.

“Yoshartirilayotgan “Paxtakor”dan yozgi transferlarni kutib oling! Jamoamizga tegishli bo‘lgan Abdurauf Bo‘riyev ikkinchi davrani “Sherlar” safida o‘tkazadi. Tez orada “Paxtakor”dan transferlarning haqiqiy shodasini kutib oling. “Paxtakor” — iqtidorli yoshlar bilan yorqin kelajak sari!”, — deyiladi klub xabarida.

Abdurauf Bo‘riyev birinchida davrada 12 uchrashuvda maydonga tushdi. 23-raqamda o‘ynagan yarim himoyachi uchrashuvlarning 11 tasini jamoaning asosiy tarkibida boshlagan. 

Ma’lumot uchun, “Paxtakor” sentyabrda boshlanadigan Elite Chempionlar Ligasida qatnashadigan birinchi o‘zbek klubi bo‘ladi.

“Paxtakor” klubi O‘zbekiston Superligasining birinchi davrasi yakunida 13 uchrashuvdan 22 ochko to‘plashga erishdi. Jamoa 6 g‘alaba, 4 durang va 3 mag‘lubiyat bilan turnir jadvalining 4-o‘rnini egallab turibdi.