“SSKA” yarim himoyachisi Abbosbek Fayzullayev 11-iyul kuni Parijda bo‘lib o‘tadigan Olimpiadaga tayyorgarlik ko‘rish uchun O‘zbekiston olimpiya terma jamoasi yig‘iniga jo‘nab ketadi. Bu haqda u jurnalistlarga ma’lum qildi.
“Biz kelishib oldik, 11-iyul kuni O‘zbekiston terma jamoasi joylashgan joyga uchib boraman, bizning maqsadimiz – medallar bilan qaytish. Biz uzoq gaplashmadik, bu hayotda bir marta sodir bo‘lishi mumkinligini bosh murabbiy juda yaxshi tushundi. Imkoniyat uchun klubdan minnatdorman”, — deydi Fayzullayev.
O‘zbekiston terma jamoasi yoshlar o‘rtasidagi Osiyo kubogining final bosqichiga yo‘l olib, Olimpiada yo‘llanmasini qo‘lga kiritdi. Jamoa birinchi marta Olimpiya o‘yinlarida ishtirok etadi.
Futbol bo‘yicha erkaklar o‘rtasidagi Olimpiya o‘yinlari 24-iyuldan 9-avgustga qadar Fransiyaning yetti shahrida bo‘lib o‘tadi.
Ma’lumot uchun, Parij—2024 Olimpiadasida O‘zbekiston U23 jamoasi Olimpiadada C guruhidan joy oldi. O‘zbekiston U23 termasi guruhda Ispaniya, Dominikan va Misr kabi terma jamoalar bilan bahs olib boradi.
Kecha, 4-iyun kuni Moskvaning “SSKA” jamoasi Serbiyaning “OFK” klubiga qarshi bahs olib bordi. Uchrashuvning 35-daqiqasida o‘zbekistonlik futbolchi Abbosbek Fayzullayev o‘z hisobiga gol yozib qo‘ydi. Yakunda “SSKA” yirik (4:1) hisobda g‘alaba qozondi.
Izoh (0)