Bugungi e’tiborimizga tushgan qahramonlarning umumiy bir jihati bor: ular umrlarining deyarli yarmini mashhurlik va muvaffaqiyat uchun kurashib o‘tkazgan. Qiyinchiliklarga qaramay, kech bo‘lsa-da, ular o‘z maqsadiga erishib, butun dunyoga taniqli yulduzga aylandilar. Axir aytganlaridek, 40 yoshdan keyin hayot endi boshlanadi.
Kristof Valts
2007-yilgacha Valts teatrda kichik sahnalarda rol o‘ynagan hamda teledasturlarda ishtirok etgan. Avstriyalik aktyor 51yoshida rejissyor Kventin Tarantino tomonidan suratga olingan “Manfur kimsalar” filmida Gans Land obrazini gavdalantirgan va ushbu film orqali aktyorning hayoti butunlay o‘zgarib ketgan.
Viola Devis
Amerikalik aktrisa va prodyuser Viola Devis 28-yoshida magistrlik darajasini oladi. Bir necha yillar davomida u qo‘g‘irchoq teatrida ishlab keladi. Biroq uning aynan 43 yoshida “Shubha” filmida o‘ynagan roli tomoshabinlar e’tirofga sazovor bo‘ldi va aktrisa boshqa loyihalarda bosh rollarni ijro eta boshladi.
Lyusil Boll
Mashhur komediya aktrisasi faoliyati davomida katta muvaffaqiyatga erishishi uzoq vaqt talab qildi. Boll 40 yoshida televideniyeda “I love Lucy” tele-shousi orqali nafaqat ko‘rsatuvlar manzarasini o‘zgartirdi, balki mashhurlikka erishishiga ham sabab bo‘ldi.
Stiv Karell
Turli xil filmlarda rol ijro etib kelayotgandan Stiv “Boshlovchi” komediyasidagi roli orqali mashhurlikka erishdi. O‘sha vaqtda 43 yoshda bo‘lgan aktyor o‘zining iste’dodi va komediyaning yorqinligini namoyish etib, tomoshabinlarning e’tiborini qozondi. Film uning hayotidagi eng yorqin loyihalardan biridir.
Judi Dench
Buyuk Britaniyada aktrisa sifatida mashhurlik qozonishiga qaramay, Dench Amerika film sanoatiga ham kirib keldi. U 1995-yilda suratga olingan “Oltin ko‘z” filmida Jeyms Bondning rahbari obrazi orqali muvaffaqiyatga erishdi. Dench o‘sha vaqtda 60 yoshda edi. U film ortidan “Oskar” mukofotini qo‘lga kiritdi hamda oltita turli xil nominatsiyalar sohibasiga aylandi
Morgan Friman
Morgan Friman 30 yoshida “Hello, Dolli” myuziklida rol o‘ynadi. Biroq aktyor ishtirokidagi bu loyiha muvaffaqiyatsizlikka uchradi. Asta-sekin Frimanning karyerasi va shaxsiy hayoti pasaya boshladi va uni “Ko‘cha yigiti” filmiga taklif qilinganidan keyingina 50 yoshli aktyorning karyerasi nihoyat yaxshilana boshladi. Uning aktyorlik mahorati tanqidchilar tomonidan olqishlandi va Friman 1990-yillarda mashhur aktyorga aylandi. Oradan vaqt o‘tib u “Yetti” va “Shoushenkdan qochish” kabi filmlarda suratga tushdi.
Kristen Uig
Kollejni bitirganidan so‘ng, Kristen aktyorlik faoliyatini davom ettirishga qaror qiladi. U Los-Anjelesga ko‘chib o‘tdi va aktyorlikni rivojlantiruvchi guruhlarga a’zo bo‘ldi. Saturday Night Live komedik teledasturida mashhurlikka erishganda Uig 32 yoshda edi.
Liam Nison
Nison 41 yoshiga qadar “Missiya” filmi kabi unchalik taniqli bo‘lmagan va tanqidchilar tomonidan yuqori baho berilmagan loyihalarda ishtirok etdi. Ammo unga 1993-yilda Stiven Spilbergning “Shindler ro‘yxati” filmi haqiqiy mashhurlik keltirdi. Shundan so‘ng aktyorga yirik loyihalarda takliflar kela boshladi. O‘sha vaqtda Liam Nison 41 yoshda edi.
Keti Beyts
Beyts o‘zining aktyorlik karyerasini bir necha yillar davomida izchil olib bordi va nihoyat 42 yoshida Stiven Kingning kitobiga asoslangan “Mizeri” trillerida rol o‘ynaganidan keyin mashhurlikka erishdi. Bu film unga “Oskar” mukofotini taqdim etdi va aktrisa mahoratini butun dunyoga tanitdi.
Silvestr Stallone
1990-yillarda Stallone havaskor aktyor va yozuvchi sifatida hayotida moliyaviy qiyinchiliklarga duch keldi. Uning ishtirokidagi “Rokki” filmlari ortidan Stallone yulduzga aylandi.
Ketrin Yusten
56 yoshida aktrisa o‘zining aktyorlik orzularini ro‘yobga chiqarish uchun Los Anjelesga ko‘chib o‘tishga dadil qaror qildi. Katta tajribaga ega aktyorlar bilan raqobatlashayotganiga qaramay, u 70 yoshida “G‘arbiy qanot” serialida debyut qildi.
Izoh (0)