Ijtimoiy tarmoqlarda Buxoroda voyaga yetmaganlarning to‘yi bo‘lgani haqida xabarlar tarqalgan edi. “Zamon” dasturida holat yuzasidan qo‘shimcha maʼlumot berildi.
2008-yilda Shofirkon tumanida tug‘ilgan A.A. (o‘g‘il bola) 2007-yilda Qorako‘l tumanida tug‘ilgan R.N. (qiz bola)ning o‘rtasida ikkala voyaga yetmaganning oilalari o‘zaro kelishuvi asosida 29-iyun kuni Buxoro shahrida nikoh to‘yi bo‘lib o‘tgan.
Maʼlum qilinishicha, shofirkonlik yigit tayyorlov kurslarida qatnashish maqsadida Qorako‘l tumaniga kelgan va ijara uyida yashab kelgan. Uning ota-onasi tadbirkorlik maqsadida Toshkent shahrida yashagan.
“Yigit ijarada yolg‘iz turadi. Bu vaziyatda farzandning ixtiyori o‘zida bo‘ladi. Ota-onasi Toshkentda. Qizimiz ham to‘liqsiz oilada voyaga yetgan ekan. Ota-onalari ajrashgan”, — deydi mahalla faoli.
Ular hali oilaga tayyor emasligi, oilasini qonuniylashtirishga esa asos yo‘qligi taʼkidlangan. Holat yuzasidan Qorako‘l tuman IIB huzuridagi tergov guruhi tomonidan tergovga qadar tekshiruv harakatlari olib borildi.
2-iyul kuni voyaga yetmaganlarning ota-onalari N.S. va N.Q.ni MJtKning 47-3 moddasi (nikoh yoshi to‘g‘risidagi qonunchilikni yoki nikoh tuzish tartibini buzish) bilan maʼmuriy javobgarlikka tortish yuzasidan hujjatlar sudga yuborildi.
Holat bolalar ombudsmani tomonidan alohida kuzatuvga olingan.
Izoh (0)