2024 yil 22-iyundan 29-iyungacha Huawei kompaniyasi tomonidan Seed for the Future 2023 dasturining bitiruvchilari uchun tashkil etilgan China Digital Exploration Tour o‘quv safarida O‘zbekistonning 6 ta universitetidan 12 nafar talaba ishtirok etdi. MWC Shanghai ko‘rgazmasida ilg‘or texnologiyalar bilan tanishdi, davlat xizmatlari va tarmoqlarini raqamli o‘zgartirish bo‘yicha Xitoy tajribasini o‘rgandi, shuningdek, diqqatga sazovor joylar va madaniy joylarga tashrif buyurdi.
2024 yil 22 iyun Seed for the Future 2023 dasturi ishtirokchilari o'tgan yili Huawei tomonidan Tech4Good 2023 tanlovi g'oliblari va loyihaning taniqli bitiruvchilari uchun tashkil etilgan Xitoyga ta'lim turlariga borishdi. Toshkent axborot texnologiyalari universiteti, Toshkent shagridagi Amiti universiteti, Toshkentdagi Inha universiteti, Turin politexnika universiteti, Kimyo xalqaro universiteti va Yangi O‘zbekiston universitetidan 12 nafar talaba Shenchjen shahridagi shtab-kvartirasida joylashgan Huawei ko‘rgazma majmualariga tashrif buyurdi, davlat xizmatlari, ishlab chiqarish va sanoatga ilg‘or texnologiyalarni joriy etish tajribasini o‘rgandi. Xitoyda 5G-Advanced innovatsiyalari bo‘yicha master-klassda ishtirok etdi va Xitoyning an’analari va madaniyati bilan tanishdi.
2024 yil 26 iyun kuni talabalar Shanxayga yo‘l olishdi va u yerda ham GSMA ning eng yirik tadbirlaridan biri – MWC Shanghai Mobil Jahon Kongressida innovatsiyalarni o‘rganish imkoniyatidan foydalanishdi. Huawei stendida ishtirokchilar 5G-Advanced tarmoqlari, sunʼiy intellektga ega qurilmalar uchun yechimlar va ilovalarni o‘rganishdi, kompaniya mutaxassislariga qiziqtirgan savollarni berishdi, shuningdek, Huawei vitse-prezidenti janob Vang Shunli bilan suhbatlashishdi.
28-iyun kuni Huawei flagman do‘konida China Digital Exploration Tourning yopilish marosimi bo‘lib o‘tdi. Huawei kompaniyasining hukumat bilan aloqalar bo‘yicha vitse-prezidenti janob Van Ke o‘zining ochilish nutqida Seed for the Future global taʼlim dasturi raqamli innovatsiyalarni o‘rganish va tushunish, madaniyatlararo muloqotni rivojlantirish, yetakchilik ko‘nikmalarini rivojlantirish va yosh avlodda tadbirkorlik ruhini shakllantirish uchun muhim platforma ekanligini taʼkidladi.
Shuningdek, u Huawei yosh vizyonerlar butun dunyo bo‘ylab raqamli rivojlanishga sezilarli hissa qo‘shayotganidan faxrlanishini va kompaniya birgalikdagi sa’y-harakatlarga erishish yo’lida AKT iqtidorini rivojlantirish uchun ko‘proq tashkilot va shaxslarning birlashishini mamnuniyat bilan qabul qilishini ta’kidladi.
Marosimda O‘zbekiston Respublikasining Shanxaydagi Bosh konsuli A’zamjon Mansurov tabrik so‘zi bilan chiqdi. “O‘zbekiston Respublikasida “Raqamli O‘zbekiston 2030” strategiyasi doirasida raqamli iste’dodlarni qo‘llab-quvvatlash va rivojlantirishga katta e’tibor qaratilmoqda. Huawei kompaniyasi O‘zbekistonda ham, butun dunyoda ham ushbu jarayonga o‘z hissasini qo‘shayotgani, Seed for the Future kabi dasturlarni amalga oshirayotgani va AKT akademiyalarini ochayotganidan xursandman”, — dedi A’zamjon Mansurov o‘z nutqi davomida.
Huawei 25 yildan buyon O‘zbekistonda faoliyat yuritib, aloqa operatorlari, davlat sektori, sanoat va ta’lim muassasalari bilan yaqin hamkorlik qilib kelmoqda. Seeds for the future dasturi Respublikada 10 yildan beri olib borilmoqda.
2023-yilda O‘zbekiston talabalari Qatar va BAAda Seeds for the future mintaqaviy loyihasida ishtirok etdilar. 8 nafar talabadan iborat TechnoMinds jamoasi mintaqa chempioni, shuningdek, Tech4Good tanlovining global finali g‘olibi bo‘ldi. Bu yil O‘zbekistonda 150 dan ortiq talabalarni birlashtirgan Yaqin Sharq va Markaziy Osiyo mamlakatlari uchun mintaqaviy loyiha bo‘lib o‘tadi.
Reklama huquqi asosida.
Izoh (0)