Vengriya bosh vaziri Viktor Orban Vladimir Zelenskiyga Ukrainadagi vaziyatni tartibga solish bo‘yicha muzokaralar oldidan o‘t ochishni to‘xtatish imkoniyatini ko‘rib chiqishni maslahat berdi. Bu haqda Reuters siyosatchining bayonotlariga tayanib, xabar berdi.
Vengriya bosh vaziri Zelenskiydan Kiyevga kutilmagan tashrifi chog‘ida tinchlik muzokaralarini tezlashtiradigan tezkor o‘t ochishni to‘xtatish masalasini ko‘rib chiqishni so‘radi, — deyiladi xabarda.
Orbanning ta’kidlashicha, Vengriya Yevropa Ittifoqiga raislik qiladigan keyingi olti oy davomida Ukrainada tinchlik o‘rnatish asosiy masala bo‘ladi.
Vengriya bosh vaziri o‘n yil ichida ilk marta Kiyevga keldi. Uning so‘zlariga ko‘ra, u o‘z maqsadini tinchlik muammolarini hal etish va ikki tomonlama munosabatlarni rivojlantirishda ko‘radi.
Kreml Orbanning Kiyevga tashrifidan hech qanday natija kutmayotganini qayd etgan.
14-iyun kuni Rossiya prezidenti Vladimir Putin Ukrainadagi mojaroni hal qilish bo‘yicha Qrim, DXR, LXR, Xerson va Zaporojye viloyatlarining Rossiya hududi sifatidagi maqomini tan olish, Ukrainaning qo‘shilmaslik va yadro qurolidan xoli maqomini mustahkamlash, uni demilitarizatsiya va denatsifikatsiya qilish, shuningdek, Rossiyaga qarshi sanksiyalarni bekor qilishni nazarda tutuvchi yangi tinchlik takliflarini ilgari surgan edi.
Izoh (0)