“Tolibon” Afg‘onistonga qo‘yilgan xalqaro sanksiyalarni tezroq bekor qilishga chaqirdi

Afg‘oniston “Tolibon” harakati xalqaro hamjamiyat tomonidan Kobulga nisbatan qo‘yilgan moliyaviy va savdo sanksiyalari tezroq bekor qilinishiga umid qilmoqda. Bu haqda Dohada BMT tomonidan tashkil etilgan Afg‘oniston bo‘yicha konferensiyada afg‘on delegatsiyasi rahbari Zabihulloh Mujohid ma’lum qildi.

Afg‘onlar dunyo bilan ijobiy o‘zaro munosabatlarni rivojlantirishga qaratilgan tizim yaratdilar, ammo bunga javoban ular sanksiyalar va cheklovlarga duch kelishdi, — deydi Mujohid.

Uning so‘zlariga ko‘ra, siyosiy kelishmovchiliklar kuchli davlatlar o‘z ta’siridan foydalanib, afg‘on xalqiga xavfsizlik, siyosat va iqtisod masalalarida bosim o‘tkazishga kirishadigan darajaga yetmasligi kerak.

Kobulning istagi boshqa davlatlar bilan ijobiy hamkorlik qilish va munosabatlarni yaxshilash, — deya qo‘shimcha qilgan Mujohid.

Nashrning ta’kidlashicha, “Tolibon” vakili o‘z nutqida ayollar huquqlarini cheklashi va qizlarning ta’limini taqiqlashi natijasida Afg‘onistonda yuzaga kelgan “gender tengsizligi” muammosini tilga olishdan qochishga harakat qilgan.

30-iyun kuni Dohada boshlangan ikki kunlik uchrashuv BMT shafeligida Afg‘onistonning kelajakdagi rivojlanishi bo‘yicha asosiy manfaatdor tomonlar o‘rtasida konsensusga erishish uchun uchinchi yig‘ilish bo‘lib o‘tgan edi.