Keyingi yillarda Turkiyada tibbiyot va texnologiyalarning jadal rivojlanishi butunlay yangi jarrohlik usullarining paydo bo‘lishiga olib keldi. Ulardan biri tibbiyotda allaqachon o‘rnini topib ulgurgan robotlashtirilgan jarrohlikdir. Acıbadem Atakent universiteti shifoxonasining transplantatsiya markazining rahbari, ilmiy rahbar, professor, doktor Hamdi Karakayalining ta’kidlashicha, robotlashtirilgan jarrohlik bugungi kunda tana a’zolarini transplantatsiyasida ham qo‘llanilmoqda. Hamdi Karakayali, shuningdek, bu amaliyot bemorga, donorga va a’zoni ko‘chirib o‘tkazayotgan jarrohga bir vaqtning o‘zida salmoqli afzallik berishini ta’kidlaydi.
Turkiya tirik donorlardan tana a’zolarini transplantatsiyasida yetakchi o‘rinni egallab kelmoqda. Professor Karakayalaning ta’kidlashicha, turk shifokorlarining tajribasi, Acıbadem shifoxonalarining mukammal infratuzilmasi va eng yangi texnologik ishlanmalar butun dunyo bo‘ylab bemor va mutaxassislarni jalb qilmoqda. Ko‘pgina mamlakatlarning shifokorlari ushbu operatsiyalarni o‘rganish va kuzatish uchun Turkiyadagi Acıbadem shifoxonalari tarmog‘iga tashrif buyurishadi.
Tibbiy tajriba ilg‘or texnologiyalarni to‘ldiradi
So‘nggi yillarda jarrohlikda ilgari orzu ham qilib bo‘lmaydigan ko‘plab innovatsion usullar paydo bo‘ldi. Bu Turkiyada tibbiyotning rivojlanishi, texnologiyaning hayratlanarli yutuqlari va shifokorlarning tajribasi tufayli mumkin bo‘ldi. Professor, doktor Hamdi Karakayali, bugungi kunda hatto o‘ta murakkab operatsiyalarni ancha tez, kamroq tavakkalchilik bilan, bemor uchun xavfsizroq va jarroh uchun qulayroq bajarib, bunda yaxshiroq natijalarga erishilishini ta’kidlaydi. Doktor quyidagicha tushuntirish beradi:
“Masalan, keyingi 20 yil mobaynida laparoskopik (yopiq) operatsiyalar tana a’zolarini (ayniqsa, buyraklarni) transplantatsiyasida allaqachon odatdagi protseduraga aylandi. Bemor operatsiyadan keyin shifoxonada uzoq vaqt qolishi shart emas, og‘riq ta’siri minimal, buyrak donorlari uchun esa kosmetik natija yuqori darajada bo‘ladi. Tana a’zolarini transplantatsiyasining ushbu usuli bemorlar uchun qator afzalliklarga ega. So‘nggi paytlarda hatto donor jigarini transplantatsiyasi bo‘yicha operatsiyalar ham yopiq usulda amalga oshirila boshlandi”.
So‘nggi yillarda robotlashtirilgan jarrohlik birinchi o‘ringa chiqdi
Professor, doktor Hamdi Karakayalaning ta’kidlashicha, robotlashtirilgan jarrohlikni joriy qilish so‘nggi yillar ichida tibbiyot sohasidagi muhim texnologik yutuqlardan biri hisoblanadi. Doktor: “Robotlashtirilgan jarrohlik, ayniqsa urologik, ginekologik va oshqozon-ichak yo‘lidagi operatsiyalarida keng qo‘llaniladi”.
Ikki o‘lchamli (2D) tasvir o‘rniga uch o‘lchamlisi (3D)
Robotlashtirilgan jarrohlik yordamida tana a’zolarini transplantatsiyasi laparoskopik jarrohlikdan nimasi bilan farq qiladi? Tana a’zolarini transplantatsiyasi markazining rahbari, professor, doktor Karakayali ushbu farqlarni quyidagicha muxtasar tushuntiradi: “Laparoskopik jarrohlikda shifokor qorin bo‘shlig‘ida kamera va asboblardan foydalanadi, protsedura ikki o‘lchovli tasvirda kuzatiladi. Robotlashtirilgan jarrohlikda esa operatsiya uch o‘lchovli va aniqligi kattaroq tasvir yordamida amalga oshiriladi. Jarroh qorin bo‘shlig‘idagi asboblar bilan osonroq va tezroq ishlaydi, bu operatsiya jarayonini nazorat qilish va uning xavfsizligini kuzatishga yordam beradi”.
Bemor, donor va jarroh uchun afzalliklari
Robotlashtirilgan jarrohlik faqat robot tomonidan amalga oshiriladi degani emas. Robotning “qo‘llari” faqat uni ishlatadigan jarrohning harakatlarini bajaradi. Tibbiyot, ayniqsa, jarrohlik sohasidagi barcha texnologik ishlanmalarni qo‘llashdan faqat bitta maqsad ko‘zlanadi: operatsiyani xavfsizroq, kamroq asoratlar bilan va qon ketish xavfini istisno qilib bajarishga ko‘maklashishdir. Bemorning kasalxonada qolish muddati qisqaradi, jarrohlik kesmalari ancha kichik, bemor kamroq og‘riq his qiladi va ish joyiga, ijtimoiy hayotga erta qaytishi mumkin. Professor, doktor Karakayali shunday deydi: “Organ donordan hech qanday shikastsiz olinadi va bemorga transplantatsiya qilinganidan so‘ng darhol ishlay boshlaydi, uni tiklash jarayoni yengil va tez kechadi”.
Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.
Telefon: +998 95 144 54 45
Samarqanddagi vakolatxonamizning manzili: Samarqand shahri, Mirzo Ulug‘bek 140.
Telefon: +998 66 234 41 71
Buxorodagi vakolatxonamizning manzili: Akademik I. Muminov ko‘chasi, 7.
Telefon: +998 55 311 54 44
Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru
Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook vа Instagram sahifalariga aʼzo bo‘lishingiz mumkin.
Reklama huquqi asosida.
Izoh (0)