Amerikalik xonanda va bastakor, The Beatles guruhining sobiq a’zosi Pol Makkartni 23-iyun, yakshanba kuni Londonda bo‘lib o‘tgan Teylor Sviftning konsertiga tashrif buyurdi. Makkartni konsert zalida muxlislar uchun ajratilgan VIP zonada shouni tomosha qildi.
Sviftning so‘nggi albomidan o‘rin olgan “But Daddy I Love U” qo‘shig‘i ostida Makkartni fanatlar bilan birga raqsga tushib, muxlislarini xursand qildi. Ularning videosi ijtimoiy tarmoqlarda tez orada tarqalib ketdi. Videotasvirda Makkartni qo‘shiq xirgoyi qilib raqs tushgani aks etgan.
Paul McCartney dancing with fans to But Daddy I Love Him 😭😭😭😭 #LondonTSTheErasTour @taylornation13 pic.twitter.com/Dcy6iXEtfV
— Zoe ❤️🔥 (@camdenswiftt) June 23, 2024
Yana bir videoda The Beatles yulduzi muxlislari bilan iliq salomlashayotgani va kameraga qarata qo‘l silkitgani ko‘rsatilgan.
Paul McCartney entering the Vip tent at ##LondonTSTheErastour night 3!! pic.twitter.com/5jt6Z4CaYm
— nat has major pcd🪩🥲🫶🏼 (@kingofnatsheart) June 23, 2024
Amerikalik pop va kantri musiqa yulduzi Teylor Svift Londondagi Uembli stadionida uchta konsert berdi. “The Eras Tour” gastrol konsertining navbatdagi qismi boshqa mashhurlar ham mehmon bo‘lishdi.
Avvalroq, 21-iyun kuni Buyuk Britaniya qiroli Charlz III ning o‘g‘li shahzoda Uilyam o‘zining tug‘ilgan kunida mazkur konsertga farzandlari bilan tashrif buyurdi.
Shuningdek, Greta Gervig, Tom Kruz, Eshton Kutcher va Mila Kunis kabi yulduzlar kontsertda xonandaning “Shake it off” xit qo‘shig‘iga raqsga tushishdi.
Izoh (0)