Samarqand viloyatining Toyloq tumanida 6 yoshli o‘gay o‘g‘lini kaltaklagan erkak ruhiy kasalliklar shifoxonasiga yotqizilgani to‘g‘risida xabar berilgandi. Bolalar ombudsmanining ma’lum qilishicha, holat yuzasidan jinoyat ishi qo‘zg‘atilgan.
Bir necha kun oldin 36 yoshli SH.N. o‘zi bilan birga 2024-yildan shar’iy nikohda bo‘lgan T.D.ning 6 yashar o‘g‘lini yashash xonadoni hovlisida kamar bilan kaltaklagan.
Samarqand viloyati Toyloq tumanida bolaga nisbatan zo‘ravonlik qilgan shaxsga nisbatan 28-iyun kuni Jinoyat kodeksining 110-moddasi 2-qismi “a” bandi (qiynash) bilan jinoyat ishi qo‘zg‘atilib, hozirda dastlabki tergov olib borilmoqda.
Bolaga nisbatan bu kabi zo‘ravonlikka yo‘l qo‘yganlar kim bo‘lishidan qatʼi nazar, tegishli javobgarlikka tortilishi shart. Bola davlat va qonun himoyasida, — deyiladi xabarda.
Avvalroq Buxoro viloyatining Shofirkon tumanida farzandini muttasil kaltaklab, qiynab kelgan ayolga jinoyat ishi qo‘zg‘atilgandi. Jinoyat ishlari bo‘yicha Shofirkon tuman sudi hukmi bilan u 3 yil ozodlikdan mahrum qilingan.
Izoh (0)