Savdo faoliyati bilan shug‘ullanuvchi 145 ming 249 ta yuridik shaxs tomonidan 2024-yil yanvar-may oylarida 10 trln so‘mdan ortiq soliq to‘langan. Bu haqda Soliq qo‘mitasi matbuot xizmati xabar berdi.
Maʼlum qilinishicha, shundan 996,9 mlrd so‘mi, yaʼni 10 foizi 20 ta korxona hisobiga to‘g‘ri keladi. Ularning jami tovar aylanmasi 21,6 trln so‘mni, qo‘llagan soliq imtiyozlari esa 299,9 mlrd so‘mni tashkil etgan.
Ushbu 20 ta soliq to‘lovchi tomonidan taʼminlangan tushumlar soliq turlari kesimida:
- QQS – 389,4 mlrd so‘m;
- foyda solig‘i – 229,4 mlrd so‘m;
- aksiz solig‘i - 157,9 mlrd so‘m;
- JSHODS - 128 mlrd so‘m;
- ijtimoiy soliq - 69,6 mlrd so‘m;
- mol-mulk solig‘i - 19,6 mlrd so‘m;
- boshqa soliqlar - 3 mlrd so‘m.
Izoh (0)