Turkiya Isroilning agressiv siyosatiga qarshi Livanni qo‘llab-quvvatlaydi. Bu haqda Turkiya prezidenti Rajab Toyyib Erdo‘g‘onning bayonotiga asoslanib, Anadolu nashri xabar berdi.
Manbada aytilishicha, Turkiya rahbari 26-iyun kuni Livan bosh vaziri Najib Mikati bilan telefon orqali muloqot qilgan. Muloqotda ikki mamlakatning o‘zaro hamkorlik masalalari haqida fikr va mulohaza almashilgan.
Uchrashuvda, shuningdek, Turkiya yetakchisi Erdo‘g‘on Livanni xalqaro keskin vaziyatda qo‘llab-quvvatlashini bildirgan. Isroil agressiyasiga qarshi Turkiya Livan tomonida turishi taʼkidlangan.
Davlat rahbarlari muloqotda Isroil hujumlari, Livanga tahdidlar va, shu bilan birga, G‘azodagi mojaro masalasini ham muhokama qilgan. Turkiyaning Yaqin Sharqqa yordami masalasi ko‘rib chiqilgan.
“Prezident Erdo‘g‘on Isroilning tajovuzkorligini zudlik bilan to‘xtatish zarurligini taʼkidlab, Isroilning mojarolarni kuchaytirishga qaratilgan saʼy-harakatlari o‘ta xavfli ekanligini aytdi”, — deyiladi Turkiya prezidenti matbuot xizmati xabarida.
Manbada aytilishicha, Anqara Isroilning agressiv siyosatiga qarshi Bayrut bilan birga kurashadi. Bu borada har qanday yordam berishga tayyor va shay.
“Prezident Erdo‘g‘on xalqaro hamjamiyat va islom olamining mintaqaviy va global tinchlikka tahdid solayotgan Isroilga ‘bas’ deyish vaqti kelganini taʼkidladi”, — deyiladi Turkiya xabarida.
Izoh (0)