Tokio universiteti olimlari tajriba tariqasida inson terisining tirik hujayralaridan robot uchun qoplama yaratdilar. Ularning tadqiqot natijalari Cell Reports Physical Science jurnalida chop etildi.
Ko‘p urinishlardan so‘ng mutaxassislar robot yuzasiga tirik terini qoplashga muvaffaq bo‘lishgan. Olimlar robot yuzini tarkibida kollagen bo‘lgan gel bilan qoplagan, so‘ngra ishlab chiqilgan terini qo‘llashgan.
Mutaxassislar nafaqat terini murakkab tuzilmalarga qanday biriktirishni o‘rganishgan, balki harakatlar paytida terining yirtilmasligini va parchalanmasligini ham ta’minlagan.
Biroq, olimlar tomonidan ishlab chiqilgan terini inson terisining to‘liq analogi deb atab bo‘lmaydi. Unda sensor funksiyalar va oziq moddalarining kelishini ta’minlovchi qon tomirlari yo‘q. Bunday teri havoda uzoq vaqt davomida o‘z xususiyatlarini saqlab qololmaydi.
Birinchi variant oddiy bo‘lib chiqqan, ammo mutaxassislar ta’kidlaganidek, bu osonlik bilan shikastlanmaydigan o‘z-o‘zidan tiklanadigan teriga ega real, harakatlanuvchi gumanoidlarni yaratishga yo‘l ochadi, — deyiladi xabarda.
Mazkur texnologiya keng miqyosda qo‘llanilishidan oldin yana ko‘p yillik tadqiqotlarni talab qiladi. Shu bilan birga, olimlar mazkur ixtiro nafaqat biogibrid robototexnika rivojiga, balki terining qarishini o‘rganish, kosmetikani rivojlantirish va plastik jarrohlikni takomillashtirishga ham hissa qo‘shishiga ishonch bildirgan.
Izoh (0)