Toshkent shahrida 1 milliard 352 million so‘mlik elektr energiyasidan noqonuniy foydalangan MCHJ aniqlandi. Bu haqda Energetika vazirligi xabar berdi.
Ma’lum qilinishicha, “O‘zenergoinspeksiya” tomonidan Toshkent shahrida o‘tkazilgan nazorat tadbirida Yashnobod tumanida joylashgan ko‘p qavatli turar joy majmuasini elektr energiyasi bilan ta’minlovchi “A.B.” MCHJ elektr energiyasidan noqonuniy foydalangani aniqlandi.
Xususan, ushbu MCHJ tasarrufidagi elektr qurilmalar elektr hisoblagichsiz to‘g‘ridan to‘g‘ri tarmoqqa ulangani ma’lum bo‘ldi. Shuningdek, majmua hududidagi avtoturargohda hujjatlarsiz elektromobillarni zaryadlash qurilmasi o‘rnatish holati ham aniqlandi.
Ushbu qoidabuzarlik holatlari bo‘yicha dalolatnoma rasmiylashtirilib, dastlabki hisob-kitoblarga ko‘ra davlat manfaatlariga 1 milliard 352 million so‘m zarar yetkazilgani ma’lum bo‘ldi.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Izoh (0)