Yevropa Ittifoqi Rossiyaning muzlatilgan mablag‘lari hisobidan Ukraina uchun qurol sotib olish bo‘yicha Vengriyaning vetosini chetlab o‘tish imkonini beruvchi qonuniy variantni ishlab chiqdi, deya Financial Times xabar berdi.
Ushbu vaqtinchalik yechim har qanday qonuniy yechim kabi murakkabligi, ammo ish berishi aytilgan. Ma’lumotlarga ko‘ra, bunday qadam Vengriya Rossiyaning muzlatilgan aktivlaridan olinadigan foydani saqlab qolish bo‘yicha dastlabki kelishuvdan bosh tortgani va shu sababli bu puldan foydalanish bo‘yicha qaror qabul qilishda ishtirok etmasligi uchun zarur bo‘lgan.
Bu qaror G7 ga dekabr oyigacha Ukrainaga 50 milliard dollar miqdorida kredit ajratishga imkon berishi mumkin, bu qarz kelajakdagi daromadlardan to‘lanishi kerak, — deb yozadi FT nashri.
2024-yilning ikkinchi yarmida YIga raislik qiluvchi Vengriya YIning Ukrainaga harbiy yordam berishiga qarshi. Bundan tashqari, Budapesht Ukrainaga har biri 500 million yevrodan iborat Yevropa Tinchlik jamg‘armasining uchta transhini, shuningdek, Ukrainaga yangi yordam fondidan 5 milliard yevroni o‘z ichiga olgan taxminan 6,5 milliard yevro harbiy yordam ajratishga to‘sqinlik qilmoqda.
Yevropa Ittifoqining Ukraina uchun qurol sotib olish uchun sanksiyalar doirasida muzlatilgan RF Markaziy banki aktivlaridan olingan foydadan foydalanish ham shubha ostida qolmoqda, — deyiladi xabarda.
Izoh (0)