“Tolibon” harakati Afg‘onistonning shu oydagi Dohadagi yig‘ilishida ishtirok etishini erkaklar bilan cheklashni va ayollar huquqlarini kun tartibidan chiqarib tashlashni talab qilmoqda, deb yozadi The Guardian.
Huquq tashkilotlari va sobiq siyosatchilar nazarida afg‘on ayollarini BMTning Afg‘oniston bo‘yicha bo‘lajak konferensiyasidan chetlashtirish mamlakatdagi ayollar va qizlarga xiyonat bo‘ladi.
Xabarlarga ko‘ra, “Tolibon” 30-iyun kuni boshlanadigan va xalqaro hamjamiyatning Afg‘onistonga munosabatini muhokama qilish uchun tashkil etilgan BMTning Dohadagi yig‘ilishiga hech bir afg‘on ayolining qatnashmasligini va ayollar huquqlari kun tartibiga kiritilmasligini talab qilgan.
2021-yil avgustida Afg‘onistonda hokimiyatni qo‘lga kiritganidan beri “Tolibon” ayollarning taʼlim olish, ish va jamoat joylariga kirishini cheklab qo‘ygan. Mart oyida zino uchun ayollarni ommaviy kaltaklash va toshbo‘ron qilish qayta yo‘lga qo‘yilishi xabar qilingan edi.
Human Rights Watch tashkiloti ijrochi direktori Tirana Hassan ayollarni istisno qilish “Tolibon”ning “zo‘ravonliklari”ni qonuniylashtirish va BMTning ayollar huquqlari va ayollarning mazmunli ishtiroki himoyachisi sifatidagi ishonchiga zarar yetkazishi mumkinligini taʼkidlagan.
Bu holat “Tolibon” irodasiga bilvosita bo‘ysunishdir. Qonun, demokratiya va barqaror tinchlik jamiyat aholisining yarmini ayollarga kiritmasdan turib mumkin emas. Biz o‘tmishdagi xatolardan hech narsa o‘rganmadik, — deya qo‘shimcha qilgan u.
Tashkilotning yana bir vakili Afg‘onistonda sodir bo‘layotgan voqealar dunyodagi ayollar huquqlari bo‘yicha eng og‘ir inqiroz va BMT shunday yig‘ilish o‘tkazib, ayollar huquqlarini muhokama qilmasligi va afg‘on ayollarining xonada bo‘lishiga yo‘l qo‘ymasligi aql bovar qilib bo‘lmaydigan holat ekanini aytgan.
Uch yillik diplomatik hamkorlik hech qanday natijabermadi. Bu nafaqat afg‘on ayollariga, balki butun dunyo ayollariga xiyonatdir, — deya qo‘shimcha qilgan vakil.
Izoh (0)