Shahzoda Uilyam Angliya terma jamoasi futbolchilarini qo‘llab-quvvatladi.
Buyuk Britaniya qiroli Karl III ning katta o‘g‘li Daniyaga qarshi bahsdan so‘ng (1:1) Angliya futbolchilari kiyim almashtirish xonasiga kirgan.
Terma jamoaning turnirdagi o‘yini mamlakatda tanqidlarga sabab bo‘lmoqda. Shahzoda esa futbolchilarga vaziyatga ortiqcha e’tibor berish kerakmasligini maslahat bergan.
“U bizni xursand qilishga urindi. Bizni qo‘llab-quvvatlashini bildirdi.
Guruhda hamon yetakchimiz, yutqazmadik, shunchaki durang o‘ynadik. Hozir faqat o‘yin haqida o‘ylashimiz va qayerlarda xato qilayotganimizni anglashimiz lozim. Keyingi o‘yinni intiqlik bilan kutamiz. Bu kabi turnirlarda biz qila oladigan yagona narsa”, — deydi yarim himoyachi Adam Uorton.
Inglizlar guruh bosqichining so‘nggi o‘yinini 25-iyun kuni Sloveniya terma jamoasiga qarshi o‘tkazadi.
Izoh (0)