Futbol bo‘yicha Yevropa Chempionatining F guruhida Turkiya va Portugaliya terma jamoalari 22-iyun, shanba kuni o‘zaro bahs olib bordi.
Uchrashuvning dastlabki daqiqalaridan Portugaliya to‘liq ustunlikni qo‘lga oldi. 21-daqiqada Bernardu Silva hisobni ochdi. 7 daqiqa o‘tib Portugaliyaning shiddatli hujumidan so‘ng Turkiya futbolchilari o‘z darvozasiga to‘p kiritib qo‘ydi.
Ikkinchi bo‘lim ham portugallarning hujumlari bilan boshlandi. 55-daqiqaga kelib hujumlar samara berdi. Portugaliya futbolchisi Krishtianu Ronaldu darvozabon bilan birga bir holatga keldi. Ronaldu to‘pni Brunu Fernandeshga yetkazib berdi va u aniq harakat qilib, hisobni 0:3 ko‘rinishiga olib keldi.
Shu tariqa 6 ochko to‘plagan Portugaliya keyingi bosqich masalasini hal qildi.
Brununing goliga hammualliflik qilgan Ronaldu assistlar bo‘yicha chempionatning eng yaxshi natija qayd etgan futbolchiga yetib oldi.
Yevro—2024
2-tur
22-iyun, shanba
Turkiya — Portugaliya 0:3
Gollar: 0:1 — Silva (21), 0:2 — Akaydin (28, avtogol), 0:3 — Fernandesh (56).
Turkiya: Bayindir, Chelik, Bardakchi, Akaydin (Demiral, 75), Ayxan (Yuksek, 58), Kadio‘g‘li, Chalxono‘g‘li, Kekchyu (Yaziji, 46), Akgun (Gyuler, 70), Akturko‘g‘li (Yildiz, 58), Yilmaz.
Portugaliya: Koshta, Kanselu (Semedu, 68), Pepe (Antoniu Silva, 83), Diash, Mendesh, Fernandesh, Silva, Palinya (Ruben Nevesh, 46), Vitinya (Joau Nevesh, 88), Leau (Netu, 46), Ronaldu.
Ogohlantirishlar: Bardakchi (25), Leau (39), Akaydin (42), Chelik (42), Palinya (45).
Izoh (0)