Fransiya terma jamoasi 17-iyun kuni 2024-yilgi Yevropa chempionati guruh bosqichining 1-turida Avstriya terma jamoasini mag‘lub etdi (1:0). O‘yin yakunida fransuzlar hujumchisi Kilian Mbappe burnini sindirib oldi va kasalxonaga yotqizildi.
Fransiyaning L’Equipe nashri xabariga ko‘ra, Niderlandiya bilan 2-tur o‘yiniga terma jamoa bosh murabbiyi Didye Desham maydon markaziga yarim himoyachi Aurelien Chuameni hamda N’Golo Kante juftligini tushiradi. Birinchi o‘yinda maydon markazida harakat qilgan Adrien Rabyo Mbappe o‘rniga chap qanot hujumchi pozitsiyasiga o‘tadi.
Fransiya jamoasi Niderlandiya, Avstriya va Polsha bilan birgalikda D guruhidan joy olgan.
Birinchi tur natijalariga ko‘ra, Niderlandiya va Fransiya 3 ochko to‘plab guruhda yetakchilik qilmoqda.
Jamoalar o‘rtasidagi o‘yin 21-iyun kuni Red Bull Arena markaziy stadionida Toshkent vaqti bilan 00:00 da boshlanadi.
Izoh (0)