Toshkent shahridagi UzExpo markazida 2024-yilning 28-iyunidan 30-iyuniga qadar “Made in Pakistan” ko‘rgazmasi o‘tkaziladi. Bu haqda Pokiston Savdoni rivojlantirish departamenti axborot xizmati xabar berdi.
Qayd etilishicha, ko‘rgazmada Pokistonning turli sohalardagi 80 dan ortiq yetakchi kompaniyalari o‘z mahsulotlari bilan ishtirok etadi. Jumladan:
— kiyim-kechak va uy tekstili;
— qishloq xo‘jaligi va oziq-ovqat;
— yengil muhandislik mahsulotlari;
— farmatsevtika;
— jarrohlik asbob-uskunalari;
— sport anjomlari;
— transport va logistika;
— hunarmandchilik;
— temir va po‘lat;
— IT va boshqa xizmatlar namoyish qilinadi.
Bundan tashqari, ishtirokchilar Pokiston va O‘zbekiston ishbilarmon doiralari o‘rtasidagi biznesdan-biznesga (B2B) uchrashuvlarida qatnashish imkoniyatiga ham ega bo‘ladi.
Mazkur ko‘rgazma Pokiston hukumati, Tijorat vazirligi hamda Savdoni rivojlantirish departamenti (TDAP) tomonidan mamlakatning Toshkentdagi elchixonasi hamkorligida tashkil etilmoqda. Undan ko‘zlangan asosiy maqsad Pokistonning ishlab chiqarish qobiliyati hamda innovatsiyalarini namoyish etishdan iborat.
Tadbirning asosiy voqeligi 29-iyun kuni Toshkentdagi International mehmonxonasining Crystal Ballroom zalida o‘tkazilishi rejalashtirilgan logistika forumidir. Ushbu forum mintaqadagi logistika muammolari va istiqbollarini muhokama qilish, asosiy manfaatdor tomonlar o‘rtasida muloqot va hamkorlik uchun platforma yaratishga mo‘ljallangan.
Logistika forumida soha mutaxassislari, siyosatchilar va biznes egalari ikki mamlakat o‘rtasidagi savdo va aloqalarni kengaytirish strategiyalarini muhokama qilish uchun yig‘iladi.
“Pokiston kompaniyalariga o‘z mahsulotlarini namoyish etish hamda O‘zbekiston ishbilarmon doiralari bilan mazmunli aloqalarni o‘rnatish uchun platforma taklif etuvchi “Made in Pakistan” ko‘rgazmasini Toshkentga olib kelganimizdan juda xursandmiz. Logistika forumi muhim muammolarni hal qilish va hamkorlikning yangi yo‘llarini o‘rganish orqali ushbu saʼy-harakatlarni yanada kuchaytiradi”, – deydi Pokistonning Toshkentdagi elchisi janob Ahmad Faruk.
“Made in Pakistan” ko‘rgazmasi iqtisodiy aloqalarni rivojlantirish hamda o‘zaro o‘sish va farovonlikka yordam beruvchi muhim voqelik bo‘lishi kutilmoqda. Barcha manfaatdor tomonlar, jumladan, soha mutaxassislari, tadbirkorlar va keng jamoatchilik Pokiston sanoati va innovatsiyalarining eng yaxshi namunalari bilan tanishish imkoniyatiga ega bo‘ladi.
Batafsil maʼlumot uchun:
Telefon: +998 99 277 0008, +998 99 610 1222
E-mail: pakistanembassytashkent@gmail.com
Ro‘yxatdan o‘tish: https://lnks.uz/https:tdapglobal.comregister-now
- Telegram: https://t.me/pakistan_exhibition
- Instagram: https://www.instagram.com/tdapofficial?igsh=MXA5dXAwaTRzcHNsbw==
- Facebook: https://www.facebook.com/share/u5h2gneScJ9WYqPq/?mibextid=qi2Omg
- LinkedIn: https://pk.linkedin.com/company/tdapofficial?trk=public_post_feed-actor-name
Reklama huquqi asosida.
Izoh (0)