AQSHning sobiq prezidenti Donald Tramp Amerikaning amaldagi yetakchisi Jo Bayden ma’muriyatini migratsiya siyosati tufayli “fashistik rejim” deb atadi. Tramp bu haqda Viskonsindagi tarafdorlari bilan uchrashuvda aytib o‘tgan.
“Baydenning noqonuniy migrantlarga nisbatan amnistiyasi Amerika demokratiyasiga to‘g‘ridan to‘g‘ri hujum va Bayden qanday qilib bizning konstitutsiyaviy tizimimizni vayron qilib, uning o‘rniga korrupsiyalashgan va fashistik rejimni joriy qilayotganiga yana bir misoldir. Bular fashistlar. Bular yomon odamlar”, — dedi Tramp Baydenning migratsion siyosat bo‘yicha bayonotini sharhlar ekan.
Avvalroq CBS telekompaniyasi manbalarga tayanib, Amerika ma’muriyati AQSHda zarur hujjatlarsiz yashayotgan 500 ming nafardan ortiq migrantlarga huquqiy maqom bermoqchi ekanini ma’lum qilgandi.
Qayd etilishicha, chora AQSHda kamida 10 yil yashab, Amerika fuqarolari bilan turmush qurgan noqonuniy migrantlarga nisbatan qo‘llanadi.
Ularga ishlash uchun ruxsatnoma beriladi va deportatsiyadan kafolatlanadi.
Izoh (0)