Ijtimoiy tarmoqlarda Namangan viloyatining Chust tumanida 19-iyun kuni kelgan sel oqibatida uyning devori qulab, bir qizni bosib qolgani haqida xabarlar tarqalgan edi.
![](/static/2024/06/19/Screenshot_1-aC3tE9uO.jpg)
Holat yuzasidan FVV axborot xizmati “Daryo”ga izoh berdi.
Haqiqatan ham, shunday holat yuz bergan. Mahalliy yomg‘ir natijasida mahalladan o‘tuvchi yo‘lga sel kelgan. Sel natijasida devor qulab, ikki opa-singilni bosib qolgan. Natijada kichik qiz vafot etgan, kattasi esa tan jarohati olgan, — deyiladi vazirlik izohda.
“O‘zgidromet” 17–19-iyun kunlari mamlakat hududida kuchli yomg‘irlar yog‘ishi, shu sababli respublikaning tog‘oldi va tog‘li hududlarida sel-suv toshqini yuzaga kelishi haqida xabar bergan edi.