Yevropa Ittifoqi Rossiya aktivlaridan Ukrainaga yordam berish maqsadida foydalangani uchun Moskvadan juda alamli javob oladi. Bu haqda Rossiya TIV rasmiy vakili Mariya Zaxarova ma’lum qildi.
Yevropa mulki va mablag‘lari Rossiyada, bilasizki, hukumatimiz vakillari bu haqda bir necha bor ta’kidlagan. Muqarrar javob choralari Bryussel uchun juda og‘riqli bo‘ladi, shu sababli ular o‘z jinniliklari uchun o‘z hamyonlaridan to‘lashlari kerak, — dedi Zaxarova.
Rossiya TIV vakili Rossiya aktivlaridan olingan foydani Kiyevga o‘tkazish g‘oyasini xalqaro huquqqa zarba deb atagan. U G7 ning Ukrainaga Rossiya aktivlari hisobidan yangi kredit berish haqidagi qarori G‘arbni yaxshilikka olib bormasligi haqida ogohlantirgan.
Avvalroq G7 mamlakatlari yetakchilari 2024-yil oxirigacha Rossiyaning muzlatilgan aktivlaridan tushadigan foydadan Ukrainaga 50 milliard dollar ajratish bo‘yicha kelishuvga erishgani haqida xabar berilgan edi. Yevrokomissiya rahbari Ursula fon der Lyayen Yevrokomissiya iyul oyida Kiyevga Rossiya aktivlaridan 1,5 milliard yevro berishini aytgan.
Kreml matbuot kotibi Dmitriy Peskov Rossiya aktivlaridan olingan foydani boshqa maqsadlarga o‘tkazish xalqaro moliya-iqtisodiy tizimning barcha qoidalari va me’yorlarini buzish ekanligini va bu harakatlar Moskvada shunday qabul qilinishini aytgan edi.
- 2022-yil fevralidan boshlab G7 davlatlari, YI va Avstraliya Rossiya Markaziy bankining 260 milliard yevrolik aktivlarini muzlatib qo‘ygan.
Izoh (0)