Rossiya harbiy-dengiz floti kemalari Kubaga safarini yakunlab, poytaxt Gavana shahrini tark etmoqda. Bu haqda “TASS” xabar berdi.
Qayd etilishicha, dastlab “Kazan” atom suvosti kemasi portdan chiqib ketgan, tez orada “Admiral Gorshkov” fregati va “Akademik Pashin” tankeri ham orolni tark etadi.
Kemalarning qaytib ketishi Kuba Inqilob kuchlari faxriy orkestri tomonidan kuzatib qo‘yildi.
Rossiyaning “Qozon” yadroviy suvosti kemasi 13-iyun kuni “Atlantika okeanida yuqori aniqlikdagi raketa qurollarini qo‘llash” bo‘yicha mashg‘ulotlar o‘tkazayotgan Kubaga yetib kelgan.
16-iyun kuni Kuba tashqi ishlar vaziri kemalar kirib kelishiga izoh berib, “Biz ularning borligi haqida bilardik, chunki uzoq yillardan beri kuzatib kelayotgan pretsedentlarga ko‘ra, AQSH bizni oldindan xabardor qilgan. Ammo hududimizda Kubaga nisbatan rasmiy dushmanlik siyosatini yurituvchi davlatga tegishli bunday turdagi uskunalarning mavjudligi va suvlarimiz orqali harakatlanishi bizga yoqmasligi aniq”, — degandi.
Kuba rasmiylarining fikricha, Qo‘shma Shtatlar hozirda suvosti kemasi joylashgan Guantanamo provinsiyasini noqonuniy ravishda egallab olgan. Bu provinsiyada 2002-yilda qamoqxona tashkil etilgan Amerika harbiy-dengiz bazasi joylashgan.
Izoh (0)