Yevro—2024. Shveysariya hamda Ispaniya ishonchli hisobda g‘alaba qozondi

Futbol bo‘yicha Yevropa Chempionatining A guruhining 1-turida Vengriya Shveysariya bilan bahs olib bordi. 

Uchrashuvning 12-daqiqasida Kvadbo Dua hisobni ochdi. Mishel Ebisher 45-daqiqada hisobni 0:2 ko‘rinishiga olib keldi.

Ikkinchi bo‘limning boshida Vengriya hisobni qisqartirdi. 66-daqiqada urilgan golga Barnabash Varga mualliflik qildi. Qo‘shib berilgan daqiqalarda Brel Embolo hisobni yakuniy—1:3 ko‘rinishiga olib keldi.

Shunday qilib A guruhida Germaniya va Shveysariya 3 ochko bilan guruh yetakchiligini saqlab turibdi.

B guruhining 1-turida Ispaniya terma jamoasi 15-iyun kuni Xorvatiyaga qarshi bahs olib bordi. 

O‘yinning 29-daqiqasida Alvaro Morata hisobni ochdi. Uch daqiqa o‘tib Fabian Ruis hisobni 2:0 ko‘rinishiga olib keldi. Bo‘lim yakunlanish pallasida Dani Karvahal hisobni yiriklashtirdi. 

Ikkinchi bo‘limda jamoalar har qancha urinmasin hisobni o‘zgartira olmadi. 

Shunday qilib, Ispaniya birinchi turda 3 ochkoga ega chiqib, B guruhi yetakchisiga aylandi. 

B guruhining ikkinchi bahsi bugun, 15-iyun kuni tunda bo‘lib o‘tadi.