Go‘zallik, iste’dod, professional muvaffaqiyat — go‘yo hayot bu aktrisalarga kerak bo‘lgan hamma narsani bergan. Lekin ular shaxsiy hayotida ham xuddi serialladagi rollari kabi baxtlimi?
Demet O‘zdemir
Demetning karyerasidagi yutuq 2014-yilda chiqqan “Kurt Seit va Aleksandra” seriali bo‘ldi. Serial Rossiya jamoatchiligida alohida qiziqish uyg‘otdi, chunki unda inqilob yillarida Rossiya imperiyasidan kelgan muhojirlarning taqdiri haqida hikoya qilinadi. Aytgancha, O‘zdemir kir yuvish xizmatida ishlashga majbur bo‘lgan sobiq rus aristokratini o‘ynagan.
Aktrisaning navbatdagi muvaffaqiyatli loyihasi “Qulupnay hidi” seriali bo‘ldi. 2020-yilda qo‘shiqchi O‘g‘uzxon Ko‘ch aktrisaga turmush qurishni taklif qildi. 2022-yil avgust oyida sevishganlar oila qurishdi, ammo atigi sakkiz oy birga yashashga muvaffaq bo‘lishdi. To‘ylarining bir yilligi arafasida mazkur nikoh ajralish bilan yakunlandi.
Nur Fettaho‘g‘lu
Nurni ko‘pincha Maryem Uzerlining asosiy raqibi deb atashadi, ammo u baribir ikkinchi raqamli bo‘lib qoldi. Aktrisalarning taqdiri haqiqatan ham ko‘p jihatdan o‘xshash: ikkalasi ham Germaniyada tug‘ilgan va Turkiyada mashhur bo‘lgan, ikkalasi ham “Muhtasham yuz yil” seriali bilan tanilgan. Tan olish kerakki, ularning shaxsiy hayoti ham o‘xshash.
Nur uch marta turmush qurgan. Oxirgi nikohidan 2021-yilda ajrashgan.
Maryem Uzerli
Xurramsulton ham haqiqiy muhabbatini haligacha topa olgani yo‘q. Ba’zi erkaklar uning yuragini sindirishsa ham, Maryem sevgiga ishonishni to‘xtatmadi va har doim his-tuyg‘ulariga quloq soldi. Uning shaxsiy hayotidagi eng achchiq umidsizlik O‘zjan ismli erkak bilan bo‘lgan munosabati edi. Bir-biridan ajralishganidan so‘ng, sobiq sevgilisi sariq matbuotga Uzerlining shaxsiy suratlarini sotib, intim tafsilotlari bilan bo‘lishayotgani ma’lum bo‘ldi.
Turkiyalik tadbirkor Jan Atesh bilan munosabatlari ham xuddi serial ssenariysidek edi — unashtiruv e’lon qilinganidan so‘ng, janjal bilan ajralishdi va shu zahotiyoq Maryem sobiq yigitidan farzand kutayotgani ma’lum bo‘ldi. Qizi tug‘ilgach, aktrisa amerikalik tadbirkor bilan tanishadi va undan boshqa qizi tug‘iladi, ammo Maryem bu odam bilan oila qura olmadi.
Neslihan Atagul
Ro‘yxatdagi boshqa ishtirokchilardan farqli o‘laroq, Neslihan hozir turmushga chiqqan. Ammo u baxtlimi? Jamoatchilik bunday deb o‘ylamaydi. Aktrisaning eri Kadir Dog‘ulu haqida mish-mishlar yo‘q emas. Turkiya matbuotining yozishicha, bu odam haddan tashqari qizg‘in xarakterga ega va go‘yo Neslihan g‘azablantirmaslik uchun uning izmidan chiqmaydi.
Neslihanning o‘zi eri haqida ortiqcha gapirmaydi, lekin ko‘pchilik aktrisa o‘zini shunchaki baxtli qilib ko‘rsatishga urinadi, deb ishonadi.
Izoh (0)