Livandagi “Hizbulloh” guruhi Isroil shimoliga 13-iyun kuni 150 dan ortiq raketa uchirgan. Bu haqda Al Jazeera nashri xabar berdi.
Manbada aytilishicha, Livandagi qurolli guruh Isroilning 15 ta harbiy obyektlarini nishonga olgan. Tartibsiz yo‘nalishda 150 dan ortiq raketa uchirilgan.
“Hizbulloh” rasmiylari hujumda 30 ta kamikadze dronlari ishlatilganini ham maʼlum qilgan. Dronlardan asosan Isroil chegara-mudofaa inshootlarini yo‘q qilishda foydalanilgan.
Isroil ommaviy axborot vositalari “Hizbulloh” hujumi oqibatida kamida 2 kishi halok bo‘lganini aytgan. 15 ta obyektda keng ko‘lamli yong‘inlar yuzaga kelgan.
“Hizbulloh” hodisa yuzasidan maxsus bayonot eʼlon qilib, operatsiya “Falastin xalqi va G‘azodagi jasur hamda sharafli qarshilik guruhlarini qo‘llab-quvvatlash maqsadida hamda sionist dushmanning Jouyada amalga oshirgan xunrezligiga qarshi javob kontekstida” amalga oshirilganini eʼlon qilgan.
Livandan uchirilgan raketalarning mo‘ljalga yetib borish intensivligi haqida hozircha maʼlumot mavjud emas. Tel-Aviv rasmiylari raketalarning ko‘pchiligi havodayoq urib tushirilganini bildirgan.
Izoh (0)