Rossiyaning bir guruh harbiy kemalari, jumladan, “Qozon” yadroviy suvosti kemasi “Atlantika okeanida yuqori aniqlikdagi raketa qurollarini qo‘llash” bo‘yicha mashg‘ulotlar o‘tkazayotgan Kubaga yetib keldi. Bu haqda Euronews xabar berdi.
Kemalar Florida qirg‘oqlaridan bir necha o‘nlab kilometr uzoqlikda harakatlangan.
Shimoliy flotning turli taktik kemalar zarba guruhi, jumladan, ko‘p maqsadli “Qozon” yadroviy raketa kreyseri va “Sovet Ittifoqi flotining admirali Gorshkov” fregati uzoqqa suzish doirasida Atlantika okeanida yuqori aniqlikdagi raketa qurollarini qo‘llash bo‘yicha mashg‘ulotlarga kirishdi, — deyiladi Rosssiya Mudofaa vazirligi xabarda.
Mashg‘ulotlar doirasida fregat va yadroviy raketa suvosti kemasi ekipajlari shartli dushmanning kemalarini ifodalovchi va 600 kilometrdan ortiq masofada joylashgan dengiz nishonlariga nisbatan yuqori aniqlikdagi raketa qurollarini qo‘llashni kompyuter modellashtirish usuli yordamida mashq qiladi.
Kuba Tashqi ishlar vazirligi Rossiya harbiy kemalari Gavanada 17-iyungacha qolishini bildirdi va ularning hech biri yadroviy qurol olib yurmasligini taʼkidladi. Ularning mavjudligi “mintaqa uchun xavf tug‘dirmaydi”, deyiladi bayonotda.
Izoh (0)