Yaqinda bo‘lib o‘tgan Kann kinofestivaliga oid yangiliklar orasida “Premyeradan keyin falon film 5, 10, 15 daqiqa davomida olqishlarga sazovor bo‘ldi” degan sarlavhalar paydo bo‘ldi va bu bejizga emas.
“Favn labirinti” — 22 daqiqalik qarsak
- Meksika, Ispaniya, 2006-yil.
- Drama, fantastika, dahshat.
- Davomiyligi: 118 daqiqa.
- IMDb: 8.2.
Yosh xayolparast Ofeliya va uning onasi partizanlarga qarshi kurashayotgan o‘gay otasi, shafqatsiz kapitan Vidalning oldiga ko‘chib o‘tadi. Bir kuni qiz sirli Favnni uchratib qoladi va maxluq unga sirni ochadi. Ofeliya xotirasini yo‘qotgan yerosti qirolligi malikasi bo‘lib chiqadi. Uyga qaytish uchun u yarim tungacha uchta vazifani bajarishi kerak.
Kann kinofestivalida eng uzoq davom etgan olqishlarga sazovor bo‘lgan mutlaq yetakchi Gilermo del Toro hisoblanadi. “Favn labirinti” filmining premyerasidan so‘ng tomoshabinlar 22 daqiqa qarsak chalgan. Afsuski, film asosiy dasturda qatnashgan bo‘lsa ham mukofot ololmagan.
Ammo keyinchalik mazkur film oltita nominatsiyada — uchta BAFTA bilan uchta “Oskar”ni qo‘lga kiritadi, “Oltin globus” va o‘nlab kichikroq mukofotlarga nomzod bo‘ladi. Lekin eng muhimi, tomoshabinlar uni hamon sevishadi. Ko‘pchilik hali ham bu filmni Gilermo del Toroning eng yaxshi asari deb biladi.
“Farengeyt 9/11” — 20 daqiqalik qarsak
- AQSH, 2004-yil.
- Drama, hujjatli film.
- Davomiyligi: 122 daqiqa.
- IMDb: 7.5.
Maykl Murning hujjatli filmi Amerika prezidenti Jorj Bush siyosati haqida hikoya qiladi. Xususan, 2001-yilgi saylovlar paytida yuzaga kelishi mumkin bo‘lgan firibgarliklar va Usama bin Laden bilan aloqalar haqida. Lekin eng muhimi, film Bushning 2001-yil 11-sentyabrdagi teraktlarga aloqadorligiga ishora qiladi.
“Farengeyt 9/11” iliq qabul qilinadi — zal 20 daqiqa qarsak chaladi. Film festivalning bosh mukofoti — Palma d’Orga sazovor bo‘ladi.
“Mad” — 18 daqiqalik qarsak
- AQSH, 2012-yil.
- Drama.
- Davomiyligi: 131 daqiqa.
- IMDb: 7.4.
Ikki maktab o‘quvchisi sayr qilib yurib, shox-shabbaga tiqilib qolgan qayiq topib olishadi. Tez orada uning egasi Mad paydo bo‘ladi. U majburan odam o‘ldirgan va endi uning boshini olishga tayyor ovchilardan yashirinib yuribdi. Bolalar unga qayiqni ta’mirlashda yordam berishga qaror qilishadi.
Kannda uzoq vaqt olqishlarga sazovor bo‘lgan Metyu Makkonahi ishtirokidagi yana bir film — 18 daqiqalik olqish oladi. Festivalda film “Oltin palma novdasi”ga nomzod bo‘ladi va ko‘pchilik tanqidchilar uni olqishlaydi.
“Kapernaum” — 15 daqiqalik qarsak
- Livan, Fransiya, Kipr, Qatar, Buyuk Britaniya, 2018-yil.
- Drama.
- Davomiyligi: 126 daqiqa.
- IMDb: 8.4.
Bayrutdagi kambag‘al oiladan bo‘lgan 12 yoshli Zeyn erta ulg‘ayishiga to‘g‘ri keladi. U aka-uka va opa-singillariga yordam beradi, ammo bir kuni bir odamni pichoqlab qo‘yadi va qamoqqa tushadi. Keyin Zeyn ota-onasini uni dunyoga keltirishgani uchun sudga beradi.
Nadine Labakining uchta rejissyorlik ishi Kann kinofestivalida debyut qilgan va hakamlar hay’atining alohida e’tirofiga sazovor bo‘ldi. Ammo aynan “Kapernaum” 15 daqiqalik olqishlarga sazovor bo‘ladi, shundan so‘ng tanqidchilar bir ovozdan filmni deyarli hujjatli realizmi uchun yuqori baholaydi.
“Baxtli Lazar” — 15 daqiqalik qarsak
- Italiya, Shveysariya, Fransiya, Germaniya, 2018-yil.
- Drama, fantaziya.
- Davomiyligi: 128 daqiqa.
- IMDb: 7.5.
Kichkina italyan qishlog‘ining aholisi Markiz de Lunaga qul bo‘lib, u uchun tamaki yetishtiradi. Ammo styuardessaning yosh o‘g‘li ularning oldiga kelganida, hamma narsa o‘zgaradi. U sodda va mehribon, qishloq yoshlari Lazar bilan muloqot qilishni boshlaydi va bu kutilmagan oqibatlarga olib keladi.
Rejissor Aliche Rorvacher Kann kinofestivalining yana bir doimiy ishtirokchisi. 2018-yilda uning mazkur filmi 15 daqiqalik olqishlarga sazovor bo‘ladi.
“Ikki kun, bir kecha” — 15 daqiqalik qarsak
- Belgiya, Fransiya, Italiya, 2014-yil.
- Drama.
- Davomiyligi: 95 daqiqa.
- IMDb: 7.3.
Sandra uzoq vaqt davomida depressiya bilan kurashadi. Ishga qaytgach, hamkasblari uni ishdan bo‘shatish uchun ovoz berishganini biladi. Sandraning barcha xodimlar bilan gaplashishi va fikrlarini o‘zgartirishlarini so‘rashi uchun ikki kun bor.
Filmga rejissyorlik qilgan aka-uka Dardenlar Kann kinofestivalining qadrdonlaridir. Film 15 daqiqalik olqishlar bilan kutib olinadi. Keyinchalik tanqidchilar filmning g‘oyasini ham, Marion Kotilyarning ajoyib ijrosini ham maqtashadi. “Ikki kun, bir kecha” yana ko‘plab mukofot va nominatsiyalarni qo‘lga kiritadi.
Izoh (0)