Portugaliya terma jamoasi mashg‘ulotlariga kirish uchun chiptalar 800 yevrodan sotilgan.
Bu haqida ESPN nashri xabar bermoqda.
Portugaliya terma jamoasining ochiq mashg‘ulotlari Vestfaliyada bo‘lib o‘tadi. Bir necha daqiqada 6000 ta bepul chiptalar o‘z egalarini topgan. Shundan so‘ng chiptalarning bir qismi bepul bo‘lishiga qaramasdan tashkilotchilar tomonidan 400 va 800 yevrodan sotilgan.
Krishtianu Ronaldu o‘zining oltinchi Yevropa Chempionatida ishtirok etadi. Futbolchi 2004-yilda finalga qadar yetib borgan bo‘lsa, 2016-yilda musobaqa chempioniga aylangan edi.
39 yoshli futbolchi 2023-yildan buyon Saudiya Arabistonining “An-Nassr” jamoasi sharafini himoya qilib kelmoqda.
F guruhidan joy olgan Portugaliya turnirdagi ilk o‘yinini 18-iyun kuni Chexiyaga qarshi o‘tkazadi. Shundan so‘ng Turkiya va Gruziyaga qarshi bahs olib boradi.
Izoh (0)