Amerikalik biznesmen Ilon Mask korporatsiya OpenAI’dan ChatGPT chatbotini operatsion tizimlarining yangi versiyalariga birlashtirsa, o‘z kompaniyalarida Apple qurilmalaridan foydalanishni taqiqlash bilan tahdid qildi.
Agar Apple OpenAI’ni operatsion tizim darajasida birlashtirsa, Apple qurilmalari mening kompaniyalarimga kirishi taqiqlanadi. Bu qabul qilib bo‘lmaydigan xavfsizlik buzilishidir, — deb yozgan u X sahifasida.
Tadbirkor Apple kompaniyasining OpenAI bilan hamkorlik doirasida foydalanuvchi xavfsizligi va maxfiyligini ta’minlashga oid berayotgan kafolatlarini mantiqsiz deb baholagan.
Ular ma’lumotlaringizni arzonga sotyapti, — deya tadbirkor Apple qarorini tanqid qilgan.
Yangi iPhone’lar funksiyalari va xususiyatlari
Butunjahon dasturchilar konferensiyasida Apple qurilmalari uchun mo‘ljallangan yangi operatsion tizimlarni ishga tushirish, jumladan, iOS 18, iPad OS 18 va MacOS Sequoia operatsion tizimlarining sun’iy intellekt asosidagi yangi funksiyalari taqdim etildi.
OpenAI bilan hamkorlik doirasida, ChatGPT chatboti — matn yaratish, tasvirlar va boshqa kontentni generatsiya qilishga qodir bo‘lgan texnologiyalar iPhone, iPad va boshqa Apple qurilmalariga ham o‘rnatilishi kutilmoqda.
Mask tomonidan boshqariladigan kompaniyalar qatoriga SpaceX va Tesla kiradi. U, shuningdek, X ijtimoiy tarmog‘iga egalik qiladi va OpenAI asoschilaridan biridir. 2018-yilda tadbirkor OpenAI direktorlar kengashidan iste’foga chiqqan. 2023-yilda WSJ Mask “X.A.I” nomli sunʼiy intellekt tashkilotini yaratganini xabar qilgan. FT nashri Mask OpenAI bilan raqobatlasha oladigan startapni ishga tushirmoqchi ekanligini yozgan.
Mask AI rivojlanishini tanqid qilishda davom etgan. 2023-yilning noyabrida u texnologiyani insoniyat uchun potensial tahdid deb atagan.
Izoh (0)